100 Tips from Myanmar Movies

(ထိုအောက်ပါအချက်အလက်များကို လွန်ခဲ့သော သုံးနှစ်လောက်က ဘယ်ကရထားသည်မသိ။ ဖိုင်ထဲမှာရှာဖွေရင်းတွေ့ရှိလာလို့ သဘောကျပြီးတင်ပေးလိုက်တာပါ။ ရေးသားသူက ကယ်လ်ဗင်လို့ ဖော်ပြထားလို့ အဲ့ဒီနာမည်နဲ့ ပြန်လည်ဖော်ပြပေးလိုက် ပါတယ်။ တကယ်လို့ အမှန်တကယ်ရေးသားသူက ရှာဖွေဖတ်ရှူမိပြီး နာမည်ပြောင်းစေလိုလို့ပဲဖြစ်ဖြစ်၊ မတင်စေချင်လို့ပဲဖြစ်ဖြစ် အဲ့လိုသဘောမျိုးရှိရင် လာရောက်ပြောဆိုနိုင်ပါတယ်ရှင်)

မြန်မာကားများကြည့်ပြီး ရရှိလာသော ဗဟုသုတ (100)

၁။ မြန်မာလူမျိုးများသည် ခဏခဏ အတိတ်ကို ပြန်သတိရလေ့ရှိသူများဖြစ်ပြီး များသောအားဖြင့် အတိတ်ကို အဖြူအမည်းဖြင့် သာ သတိရလေ့ရှိသည်။

၂။ သီချင်းနားထောင်လေ့ရှိသူများဖြစ်ပြီး သီချင်းနားထောင်နေရင်းအတိတ်အကြောင်းများပြန်တွေး လေ့ရှိသူများ ဖြစ်ကြသည်။

၃။ စားသောက်ဆိုင်တွင် စကားစမြည်ပြောမည်ဆိုပါက အစားလုံးဝမစားရ (သိပ်စားချင်လျှင် အရည်တစ်ခုခု သို့မဟုတ် အနည်း ငယ်မျှသာစားခွင့်ရှိသည်)

၎။ မိန်းကလေးများ ကားပျက်လျှင် အနီးအနားတွင် ကူညီပေးချင်သော ယောင်္ကျားလေးများ အများအပြားရှိသည်။

၅။ ထိုယောင်္ကျားလေးများအားလုံးသည် ကားပြင်တတ်သူများသာဖြစ်သည်။

၆။ ထိုမိန်းကလေးသည် ဟန်းဖုန်းရှိသော်လည်း များသောအားဖြင့် လမ်းသွားလမ်းလာများကိုသာ အကူအညီတောင်းလေ့ရှိသည်။

၇။ professional graphic designer တစ်ယောက်သည် laptop ဖြင့် touchpad ကိုသုံးပြိး အံသြလောက်ဖွယ် ကောင်းသော ဒီဇိုင်းများကို microsoft paint ဖြင့်ဖန်တီးလေ့ရှိသည်။

၈။ instant messenger/chat client ဆိုသည်မှာ pagemaker/ms word ကိုဆိုလိုခြင်းဖြစ်သည်။

၉။ computer ပညာရှင်များသည် စာရွက်များဖြင့်သာ အလုပ်ရှုပ်နေတတ်ကြပြီး ကွန်ပျူတာသုံးလေ့ မရှိကြ။

၁၀။ သူခိုးများသည် အသံမကြားအောင် ခြေဖျားထောက်ပြီး လမ်းလျှောက်လေ့ရှိသည်။

၁၁။ ဆင်းရဲသားများသည် ရန်အလွန်ဖြစ်သည်။

၁၂။ ရုပ်ဆိုးသူများသည် လူဆိုး၊ လူမိုက်များဖြစ်ကြသည်။

၁၃။ လူမိုက်များသည် ဘောင်းဘီသာဝတ်ကြပြီး ပုဆိုးဝတ်လေ့မရှိကြ။

၁၄။ လူဆိုးခေါင်းဆောင်အများစုသည် ကုတ်အကျီ (သို့) leather jacket ၀တ်လေ့ရှိပြီး တခါတရံ ဦးထုပ်ဆောင်းတတ်ကြ သည်။

၁၅။ လူဆိုးများသည် ခြံကျယ်ကြီးများ၊ တိုက်ပျက်ကြီးများတွင် စခန်းချလေ့ရှိသည်။

၁၆။ ထောင်မှထွက်လာသူများသည် ကောင်းမွန်စားလုပ်ကိုင်စားလေ့မရှိဘဲ လူဆိုးများဖြင့်သာပြန်လည်ပေါင်းသင်းပြီး ဆက်လက် ဆိုးသွမ်းကြသည်။

၁၇။ snooker ကစားသူအများစုသည် အကျင့်ပျက် လူပွေများသာဖြစ်လေ့ရှိသည်။

၁၈။ မြန်မာလူမျိုးများသည် ရေကူးကန်နားသို့ရောက်လျှင် မည်သူ့ကိုမဆို ရေထဲသို့တွန်းချလေ့ရှိသည်။

၁၉။ စီးပွားရေးသမားအများစုသည် အနောက်တိုင်းဝတ်စုံကို ၀တ်စုံပြည့်ဝတ်ဆင်သွားလာလေ့ရှိသည်။

၂၀။ ထိုလူအများစုသည် အနက်ရောင် လက်ဆွဲအိတ်များကိုင်ဆောင်လေ့ရှိကြသည်။

၂၁။ ဖန်ခွက်ကျကွဲလျှင် ထိုသူနှင့်ပတ်သက်သူ တစ်စုံတစ်ယောက်မှာ သေဘေး (သို့) အန်တရယ်နှင့် ကြုံနေရသည်မှာ အသေအ ချာပင်။

၂၂။ သေခါနီးလူမမာများသည် စကားအလွန်များသောသူများဖြစ်ကြသည်။

၂၃။ သူတို့ စကားပြောလို့ မပြီးမချင်းသေလေ့မရှိ။

၂၄။ ကျေးရွာတိုင်းတွင် ထန်းတောရှိတတ်ပြီး အဆိုပါထန်းတောတွင် အချိန်ပြည့်မူးရူးနေသူများဖြင့် ပြည့်နေသော ထန်းရည်ဆိုင် ရှိသည်။

၂၅။ ကောလိပ်ကျောင်းသားဘ၀သည် ကန်တင်းတွင် တနေကုန်ထိုင်ပြီး ရီစရာဟာသများပြောကာ ကောင်မလေးများကို ထိုင်ငမ်း နေသော နေ့ရက်များသာဖြစ်သည်။

၂၆။ ကောလိပ်ကျောင်းဆိုသည်မှာ Myanmar Info Tech (MICT Park ) နှင့် အင်းလျားကန်ဘောင် ကိုဆိုလိုခြင်း ဖြစ်သည်။

၂၇။ စာသင်ခန်းထဲတွင် စိတ်ကြိုက်စကားပြောခွင့်ရှိသည်။

၂၈။ ကျောင်းသူ မိန်းကလေးအများစုသည် အသံစွာကျယ်စွာကျယ် စကားပြောလေ့ရှိပြီး ကန်တင်းတွင် ဟီးဟီးဟားဟား လုပ်လေ့ရှိသူများဖြစ်ကြသည်။

၂၉။ ထိုမိန်းကလေးများသည် ဆိုင်ထဲသို့ ယောင်္ကျားလေးတစ်ယောက်လာလျှင် ၀ိုင်းစတတ်ကြသည်။

၃၀။ အစခံရသော ယောင်္ကျားလေးတိုင်းရှက်ပြီး အမှားမှား အယွင်းယွင်းများလုပ်လေ့ရှိသည်။

၃၁။ အသက်မည်မျှပင်ကြီးစေကာမူ အထက်တန်းကျောင်းတက်လေ့ရှိကြသည်။

၃၂။ လူငယ် ယောင်္ကျားလေး မိန်းကလေးများသည် 3ယောက် 4ယောက် အဖွဲ့လိုက်သာ ပေါင်းသင်းလေ့ရှိကြသည်။ တစ်ယောက်တည်း နေလေ့သိပ်မရှိ။

၃၃။ ယောင်္ကျားလေးများအဖွဲ့မှ တယောက်ယောက်နှင့် မိန်းကလေးအဖွဲ့မှ တစ်ယောက်ယောက် ချစ်သူရည်းစားဖြစ်သွားလျှင် ယောင်္ကျားလေးများသည် ထိုမိန်းကလေးအဖွဲ့မှ အခြားသောမိန်းကလေး များနှင့် ရည်စားဖြစ်သွားလေ့ရှိသည်။

၃၄။ သမီးရည်းစားများသည် သီချင်းဖွင့်ထားသော ပန်းခြံထဲတွင် ပြေးလွှားနေကြလေ့ရှိသည်။

၃၅။ မိန်းကလေးများ အော့အန်ပါက ကိုယ်ဝန်ရှိနေပြီဖြစ်သည်။

၃၆။ ကိုယ်ဝန်ရှိသောမိန်းကလေး ချော်လဲလျှင် ကိုယ်ဝန်ပျက်ကျဖို့ 90% သေချာသည်။

၃၇။ မွေးလာသောကလေးမှာ ယောင်္ကျားလေးဖြစ်လျှင် လင်ယောင်္ကျားမှာ အလွန်ပျော်ရွှင်လေ့ရှိသည်။

၃၈။ မြန်မာမိန်းကလေးများသည် စိတ်ဆိုးလျှင် ပါးရိုက်လေ့ရှိကြသည်။

၃၉။ အသည်းကွဲသူများသည် အလွမ်းသီချင်းများနားထောင်ပြီး ငိုကြွေးလေ့ရှိကြသည်။

၄၀။ မိန်းကလေးတစ်ယောက်နှင့် ရန်ဖြစ်ပါက အဆိုပါမိန်းကလေးနှင့် ရည်စားဖြစ်တတ်သည်။

၄၁။ မိန်းကလေးတစ်ယောက်သည် ယောင်္ကျားလေးတစ်ယောက်အား မကျေနပ်လို့ လက်စားချေလိုလျှင် သမီးရည်စား အဖြစ် တွဲလေ့ရှိသည်။

၄၂။ အရက်မူးလာလျှင် အာလေးလျှာလေးဖြင့် စကားပြောတတ်ပြီး ပြောသမျှစကားအများစုမှာ ရန်စကားများသာဖြစ်ကြသည်။

၄၃။ အရက်ဆိုင်အတွင်းရန်ဖြစ်လျှင် များသောအားဖြင့် ရဲလာဖမ်းလေ့မရှိ။

၄၄။ မူးရူးပြီး အိမ်ပြန်လာလျှင် အိပ်မရှိကောင်မလေးများအား မတရားပြုကျင့်တတ်ကြသည်။ ထိုအချိန်တွင် စားပွဲပေါ်မှ ပန်းအိုးလဲ သွားခြင်း၊ ကျကွဲခြင်း၊ ပန်းပွင့်ကြွေခြင်းများဖြစ်တတ်သည်။

၄၅။ အခန်းတခန်းအတွင်းမှ ထွက်လာပြီး ပုဆိုးပြင်ဝတ်လျှင် မုဒိန်းကောင်ဖြစ်သည်။ (မူးနေသူဖြစ်ပြီး မျက်နှာတွင်အဆီပြန်နေပါက 100% သေချာသည်။)

၄၆။ မတရားပြုကျင့်ခံရသူတိုင်း ကိုယ်ဝန်ရှိလာကြသည်။

၄၇။ သူတို့သည် အများအားဖြင့် တရားစွဲလေ့မရှိကြ။

၄၈။ ကိုယ်ဝန်ဖျက်ချလေ့လည်းမရှိသည့်အပြင် ကလေးကို တောရွာတစ်ခုခုသို့ သွားပြီး ခက်ခဲဆင်းရဲစွာမွေးလေ့ရှိသည်။

၄၉။ အိမ်များတွင် ချောမောလှပသော အိမ်ဖေါ်ကောင်မလေးများရှိတတ်သည်။

၅၀။ ထိုအိမ်ဖေါ်ကောင်မလေးများသည် အိမ်ရှင့်သားများနှင့် ငြိစွန်းသွားတတ်ကြသည်။

၅၁။ ရုပ်ဆိုးသောအိမ်ဖေါ်အား မည်သူမျှ မတရားပြုကျင့်ခြင်းမရှိ။

၅၂။. ခေတ်လူငယ်အများစုသည် shopping mall နှင့် snack shop များတွင် တချိန်လုံး အချိန်ဖြုန်းနေတတ်ကြသည်။

၅၃။ အဆိုပါ ဆိုင်များတွင် တွေ့သမျှကောင်မလေးများအား မျက်စပစ်ပြခြင်း စသည် စသည်များ စိတ်ကြိုက်လုပ်ခွင့်ရှိသည်။

၅၄။ မိန်းကလေးများ အဖွဲ့လိုက်ခရီးထွက်ပါက ယောင်္ကျားလေးအဖွဲ့တစ်ဖွဲ့နှင့် လမ်းခရီးမှာ ကြုံတွေ့လေ့ရှိပြီး ချစ်သူရည်စား ဖြစ်သွားလေ့ရှိသည်။

၅၅။ ယောင်္ကျားလေးမိန်းကလေးများအဖွဲ့တွင် အချောဆုံးတစ်ယောက်မှလွဲပြီးကျန်သောသူငယ်ချင်းများမှာ တစ်ချိန်လုံး ဟာသ လုပ်ပြီး ရီစရာများပြောနေတတ်ကြသည်။

၅၆။ ခေတ်လူငယ်အများစုမှာ မိဘတစ်ဦး (သို့) နှစ်ဦးစလုံးမရှိတတ်ကြ။ ဦးလေး အဒေါ်များ သူငယ်ချင်များဖြင့်နေလေ့ရှိသည်။

၅၇။. စတိုးဆိုင်ရှိအရောင်းစာရေးမများအား စိတ်ကြိုက်ရည်းစားစကားပြောခွင့်ရှိသည်။

၅၈။ (အရောင်းတာဝန်ခံ၊ မန်နေဂျာ၊ security) မည်သူကမျှ မတားဆီးကြ၊ အနှောင့်အယှက်ပေးလေ့ မရှိကြ။

၅၉။ မည်သူမဆို တက်ဆီငှားစီးလျှင် မည်သည့်အခါမှ ဈေးမဆစ်ကြ။

၆၀။ အသက်40 ကျော် မိန်းမကြီး 90% ခန့်မှာ အတင်းပြောတတ်သူများသာဖြစ်ကြသည်။

၆၁။ ရှုပ်ပွေသော မိန်းမများသည် အချိန်ပြည့်ဖဲရိုက်နေလေ့ရှိသည်။

၆၂။ အိမ်တစ်အိမ်တွင် အဖိုးအဖွားများသည် သြဇာအရှိဆုံးလူများဖြစ်ကြသည်။

၆၃။ ညအချိန်မတော် လမ်းမပေါ်တွင် သီချင်းအကျယ်ကြီးဆိုပြီး ဂစ်တာတီးနေသူများကို တရပ်ကွက်လုံးက သည်းညည်းခံကြ သည်။

၆၄။ ဂစ်တာတလုံးထဲဖြင့် drum/keyborad အသံများထွက်အောင်တီးတတ်ကြသည်။

၆၅။ ကောင်မလေးများသည် အဖေါ်မပါဘဲ ညအချိန်မတော် လူပြတ်သောလမ်းများတွင် သွားလာလေ့ရှိ သည်။

၆၆။ ထိုလမ်းများတွင် အဖေါ်မပါသော ကောင်မလေးအား ဆွဲလားရမ်းလားလုပ်ဖို့ အရက်မူးနေသော လူရမ်းကားများ လူဆိုးများ စောင့်နေတတ်သည်။

၆၇။ ထိုမိန်းကလေးများသည် အများအားဖြင့် အော်ဟစ်အကူအညီတောင်းလေ့မရှိကြ။

၆၈။ ထိုယောင်္ကျားလေးများသည် တစ်ယောက်တည်းပင်ဖြစ်စေကာမူ 2ယောက် 3ယောက်မကသော လူဆိုး၊ လူမိုက်များဖြင့် ရန်ဖြစ်လေ့ရှိသည်။ ရန်ဖြစ်သည့်အခါတွင် တိုက်ဆိုင်စွာဘောင်းဘီရှည်သာဝတ်ထား လေ့ရှိသည်။

၆၉။ ရန်ဖြစ်သည့်အချိန်တွင် လဲကျသွားပါက ရှုံးပြီဖြစ်သည်။

၇၀။ အလွန်ချောမောလှပသော ကောင်မလေးများတွင် ခပ်ပေါပါခပ်ချာချာ အကိုတစ်ယောက်ရှိနေ တတ်သည်။

၇၁။ ထိုမိန်ကလေးများရဲ့ အဖေသည် သူရဲ့သားမက်လောင်းအား မည်သည့်အခါမျှ မျက်နှာကျော့မတည့်။

၇၂။ နယ်မှ တစ်ယောက်တည်းလာနေသော မိန်းကလေးများသည် သိန်းချီပေးရသော အခန်များငှား နေတတ်ကြပြီး ဘတ်စ်ကား ဖြင့် သွားလာလေ့ရှိသည်။

၇၃။ ဆင်းရဲသား အလုပ်သမားများသည် စုတ်ချာသော (တစ်ခါတစ်ရံ) စုတ်ပြဲနေသောအ၀တ်အစားများ သာအမြဲလိုလို ၀တ်ဆင် ကြသည်။

၇၄။ ချမ်းသာသူတို့ရဲ့ သားသမီးများသည် ဘွဲ့ရပြီးသည်အထိ အလုပ်လုပ်လေ့မရှိကြ။

၇၅။ အသည်းကွဲသူများသည် မီးရထားလမ်းဘေးတွင် လမ်းလျှောက်နေလေ့ရှိသည်။

၇၆။ ပိုက်ဆံချမ်းသာသော လုပ်ငန်းရှင်သူဌေးများသည် ဆင်းရဲပြီးချောမောလှပသော ကောင်မလေးအား လက်ထပ်ခွင့်ရရန် ယေက်ခမလောင်းများအား ငွေဖြင့် သိမ်းသွင်းတတ်သည်။

၇၇။ အဖြူရောင်ကုတ်အကျီရှည်ဝတ်ထားပြီး နားကျပ်လည်ပင်းတပ်ထားသူတိုင်း ဆရာဝန်များဖြစ်ကြ သည်။ (သို့) ဆရာဝန်တိုင်း ဂျူတီကုတ်ဝတ်ပြီး နားကျပ်လည်းပင်းဆွဲတတ်ကြသည်။

၇၈။ ခွဲစိတ်ကုသမှုမအောင်မြင်လျှင် ခွဲစိတ်ဆရာဝန်ကြီးများသည် ခွဲခန်းအတွင်းမှ ခေါင်းယမ်းပြီး (သို့) မျက်နှာပျက်ပြီး ထွက်လာ တတ်သည်။

၇၉။ မင်းသား (သို့) မင်းသမီးရဲ့ အမေများတွင် နှလုံးရောဂါ (သို့) သွေးတိုးရောဂါများရှိတတ်သည်။

၈၀။ တယ်လီဖုန်မှ သတင်းဆိုးကြားလျှင် တယ်လီဖုန်းပြောနေရင်းမှမူးလဲသွားတတ်သည်။

၈၁။ အလွန်တော်သောမိန်းမများသည် အသုံးမကျသော (သို့) အလွန်မာနကြီးသော ယောင်္ကျားများကို ကြိုက်နှစ်သက်ကြသည်။

၈၂။ အလွန်ထက်မြက်သော မိန်းမများရဲ့ အိမ်ထောင်ရေးသည် အဆင်မပြေ။

၈၃။ လူငယ်များရဲ့ နာမည်အများစုမှာ ခေါ်ရခက်သော တောက်ညင်ကတ်ဖွယ်နံမည်များဖြစ်လေ့ရှိသည်။

၈၄။ တစ်ခါတစ်ရံ မည်သို့မျှ တွေးတောယူဖွယ်မရလောက်အောင် နာမည်မျိုးရှိသည်။

၈၅။ ထိုတောက်ညင်ကတ်ဖွယ်နာမည်ဆိုးကို မည်သူကမျှစခြင်းနောက်ခြင်း ပြောင်လှောင်ခြင်းမပြုကြ။

၈၆။ ယောင်္ကျားနောက် ခိုးရာလိုက်ပြေးသော မိန်းကလေးများသည် မိဘများအား ခိုးရာလိုက်သွားပြီဖြစ်ကြောင်း အိပ်ယာပေါ် သို့မဟုတ် အိပ်ယာဘေးက စားပွဲပေါ်တင်ထားလေ့ရှိကြသည်။

၈၇။ ထိုစာအများစုတွင် သမီးမိုက်ဆိုသောစာသားပါလေ့ရှိသည်။

၈၈။ ယောင်္ကျားလေးအများစုကတော့ မိဘကို မိန်းမခိုးမည့်အကြောင်းနှင့်ပတ်သတ်ပြီး လုံးဝအသိပေး လေ့မရှိ။

၈၉။ နှဲသံကြားပါက (နာတာရှည်) မမာမကျန်းဖြစ်နေသူများသေတတ်သည်။

၉၀။ ယောင်္ကျားလေးများရဲ့အခန်းသည် လူမနေသည့်အခန်းကဲ့သို့ အစဉ်အမြဲရှင်းလင်းနေတတ်ပြီး သန့်ရှင်းနေတတ်သည်။

၉၁။ အိမ်ဖေါ်မိန်းမများ ခြံစောင့်များသည် အိမ်ရှင်ရဲ့ သမီးအား မမလေးဟုသာ ခေါ်လေ့ရှိသည်။

၉၂။ အခုနောက်ပိုင်းတွင် ပေါ့ပေါ့ပါးပါးစကားများကိုပင် လေးနက်အောင် တမင်ကြိုးစားဖျစ်ညှစ်ပြော တတ်သော အကျင့်များရှိလာ ကြသည်။

၉၃။ လူကြားထဲတွင် အိန်ဒယေပျက်လောက်အောင် တကိုယ်လုံးနှင့် လက်များရမ်းခါလှုပ်ပြီးစကားပြော တတ်သူများကို မထူးခြား သယောင် ဆက်ဆံပြောဆိုတတ်ကြသည်။

၉၄။ လူငယ်များသည် ပူအိုက်သောရာသီမှာပင် အနွေးထည်များဝတ်ဆင်ကြလေ့ရှိသည်။

၉၅။ ကျောင်းသားကျောင်းသူ အများစုမှာ စာကြိုးစားသည်ကိုမတွေ့ရ။

၉၆။ ဖယောင်းတိုင်များထွန်းထားလျှင် အလွန်ပင်ရိုမန်တစ်ဖြစ်သည်။

၉၇။ သင်္ကြန်လည်ရာတွင် မည်သူမျှ အရက်မသောက်ကြ။

၉၈။ နိုင်ငံခြားသွားပြီး ပညာသင်လာပါက မြန်မာပြည်တွင် အလွန်အောင်မြင်သော စီးပွားရေးလုပ်ငန်းရှင် (သို့) ပညာရှင် အဖြစ်ရပ် တည်နိုင်သည်။

၉၉။ ယောင်္ကျားဖြစ်ပြီး နှုတ်ခမ်းမွှေးမရှိရင် အတုတပ်ထားတတ်ကြသည်။

၁၀၀။ မြန်မာလူမျိုးများသည် မည်မျှပင်ဒေါသထွက်စေကာမူ ဆဲဆိုခြင်းမပြုကြ။

စုစည်းတင်ပြသူ

ကယ်လ်ဗင်