ချစ်လိုက်တာ ကိုရယ်....
အပျော်တွေ တဖျတ်ဖျတ်ခုန်ပြီးရင်တွေ တလှပ်လှပ်နဲ့
ဒီအခိုက်အတန့်လေးက အပြည့်စုံဆုံးပဲထင်ပါရဲ့။
လွမ်းလိုက်တာ ကိုရယ်...
ခန္ဓာကိုယ်က ဒီမှာရပ်တည့်နေပေမယ့်
ဝိညာဉ်က ကိုရဲ့အနားမှာပျံဝဲနေခဲ့
ကိုနဲ့ချစ်ရဲ့ အလွမ်းတွေ ထပ်တူကျမယ်ထင်ပါရဲ့။
ရင်ခွင်ထဲမှာ ခိုဝင်နေချင်လိုက်တာ ကိုရယ်...
မှောင်မိုက်ချိန်တွေ ကို ဖယ်ရှားပေးမှာသိသလို
ကို့အတွက်ခွန်အားတွေကို ချစ်ပေးချင်ခဲ့
ကို့နားမှာ တွယ်ကပ်ပြီး မလွတ်စတမ်းဖတ်ထားမိမယ်ထင်ပါရဲ့။
အနမ်းတွေပေးချင်လိုက်တာ ကိုရယ်...
တပ်မက်မှုကို အသာပေးတာထက်
ခံစားချက်နှစ်ခု ပူးပေါင်းစီးမျောချင်မိခဲ့
ဒါဆို ကိုနဲ့ချစ်ရဲ့ နှလုံးသားလေးတွေ ပိုနွေးထွေးလာမယ်ထင်ပါရဲ့။
အနားမှာအမြဲရှိနေချင်လိုက်တာ ကိုရယ်...
ဝေဟင်မှာလွတ်လပ်စွာဝဲနေတဲ့
ငှက်လေးတစ်ကောင် ဖြစ်ဖို့ဆုတောင်းနေခဲ့
ဒါမှ ကို့ကျောလေးကိုကပ်ပြီး ဖက်ထားခွင့်ရမယ်ထင်ပါရဲ့။
ခံစားချက်တွေ ပြွတ်ကျပ်ကုန်ပြီ ကိုရယ်...
ပလုံးပထွေး အန်ထွက်ကုန်ပေမယ့်...
ပီသတာလေး... ထင်ရှားတာလေးက...
ကို့ကို အရမ်းချစ်တယ်တဲ့...
nunki (နန်ကီ)
0 comments:
Post a Comment