Sunday, May 27, 2012 0 comments

တစ်ဘ၀မှာ တစ်ယောက်သာ

သင်ပျော်ရင် သူပျော်တယ်
သင် ၀မ်းနည်းလည်း ထပ်တူထပ်မျှပဲ
အနီးကပ် ဖေးမပေးတတ်တာ
ချစ်သူငယ်ချင်းတဲ့။

ရည်မှန်းချက် တစ်ခုတည်းကို
တူတူဖြတ်သန်းကြတယ်
အချေမငံ ငြင်းခုံခဲ့ရပေမယ့်
ဘယ်တော့မှ သင့်ကို မချန်ခဲ့တာ
လုပ်ဖော်ကိုင်ဖက်ကောင်းတဲ့။

သင်က သူ့အကြောင်းတွေကို
အလုံးစုံ သိနေတတ်သလို
သူကလည်း သင့်ကို
နားလည်ပေးနိုင်တာ
ချစ်သူရည်းစားတဲ့။

ဒါတွေ အားလုံးပြည့်စုံတဲ့အပြင်
အပျက်ပြယ်တဲ့မေတ္တာ
အကုန်ဆုံးနိုင်တဲ့ အကြင်နာ
သန့်ရှင်းဖြူစင်တဲ့ စေတနာတွေနဲ့
တစ်ဘ၀မှာ တစ်ယောက်သာရှိနိုင်တာ
အမေလို့ ခေါ်သတဲ့။ ။



nunki (နန်ကီ)
Posted by nunki at 12:05 AM
Subscribe to: Comments (Atom)
 
;