online ပေါ်မှာ ဘာလုပ်ကြမှာလဲ

သူငယ်ချင်း အသိတွေက အချစ်စာတွေဖတ်ရတာညည်းငွေ့လို့ ပညာပေးတာလေးရေးပါဦးလို့ ပြောထားတာ တော့ကြာပါပြီ။ မ အားတာကတစ်ကြောင်း ချစ်သူများနေ့ခံသွားတာကတစ်ကြောင်းနဲ့ ရေးဖို့စဉ်းစားထားတာ ကြာပေမယ့် လက်တွေ့အကောင် အထည်မဖော်ဖြစ်ခဲ့ဘူး။ ဒါစာလေးကတော့ ဘယ်သူ့ကိုမှ ရည်ရွယ်တာ မဟုတ်ပါဘူး။ အရမ်းသိလွန်းတတ်လွန်းလို့ ဆရာလုပ် တာလည်းမဟုတ်ပါဘူး။ ကြုံတွေ့ခဲ့ရတာကို ခံစားရလို့ ပြန်ရေးဖြစ်တဲ့ သဘောလောက်ပါပဲ။ ဒီစာကိုရေးဖြစ်တာက နန်ကီ အတန်း တစ်တန်းတက်တော့ အဲ့ဒီမှာ cyberbullying ဆိုတဲ့ စောင်းပါးလေးတစ်ခုဖတ်ရပါတယ်။ ခေါင်းစဉ်ကိုမြင်ကတည်းက အရမ်း စိတ်ဝင်စား သွားတယ်။ နောက်အခွင့်ရရင် ဘာသာပြန်လေးနဲ့ရေးပေးပါဦးမယ်။ အဲ့ဒါတွေ အခု ဆိုက်ဘာပေါ်မှာ အများ ကြီးဖြစ် နေတာကိုသိပေမယ့် ဘယ်လိုနာမည်တပ်ပြီး ဘယ်လိုပြောရမလဲ စဉ်းစားနေတာကြာပြီ။

အခုဆိုရင် အကုန်လုံးသိတဲ့အတိုင်း အင်တာနက်ပေါ်တက် ချက်တင်ပေါ်တက်ပြီဆိုကတည်း စပြီးညာလိုက် ကြတာ အိပ်ရာဝင်တဲ့ အထိပဲ။ တော်တော်များများကပြောတာက "ဘာဖြစ်လဲ သူတို့မြင်တာမှမဟုတ်တာ ဘယ်သူသိမှာမို့လို့လဲ" တဲ့။ ဟုတ်ပါတယ်။ ဘယ်သူမှတော့ မသိဘူးပေါ့။ အထူးသဖြင့် ပြောသမျှ ကိုယ့်အ ကြောင်း တွေကလည်း အတုဖြစ်နေမယ်ဆိုရင် .. အို.. ဘယ်သူမှ သင့်အကြောင်း ဘာမှမသိဘူးပေါ့။ ဒါပေမယ့် ကိုယ့်ကိုကိုယ်တော့ သိတယ်ဟုတ်။ အဲ့တော့ ဘာပြန်ပြောမလဲဆိုတာ သိပါတယ်။ "သူတို့လည်း လိမ်တာပဲ"။ ဟုတ်ပါတယ်။ အကုန်လုံးနီးပါးက လိမ်နေကြတာပဲ။ ဒီမှာ နန်ကီပြောချင်တဲ့ လိမ်ပြော ညာပြော တယ် ဆိုတာက သူတစ်ပါးရဲ့ စိတ်ကိုထိခိုက်စေမယ့် လိမ်ညာမှုကိုပြောချင်တာပါ။ လိမ်တယ် ဆိုတာတောင် နှစ်မျိုးရှိတယ်မဟုတ်လား။ မုသားမပါ လင်္ကာမချောဆိုတဲ့ စကားပုံတောင်ရှိသေးတာပဲ။ ဒါပေမယ့် သင့်ရဲ့ မုသားက လင်္ကာချောဖို့သက်သက်ပဲဖြစ်ပါစေ။ သူ များကို နစ်နာစေတဲ့ သဘောမျိုးတဲ့ လိမ်တာမျိုးတော့ လုံးဝမဖြစ်သင့်ပါဘူး။ နည်းပညာဆိုတဲ့ အရာက အသုံးပြုတတ်ရင် ပြုနိုင် သလောက် အကျိုးရှိသလို မပြုတတ်ရင်လည်း အဆိပ်ပါပဲလို့ တော်တော်များများပြောကြတယ်နော်။ အွန်လိုင်းပေါ်တက်ပြီး ဇာတ် လမ်း တွေမျိုးစုံခင်းနေတဲ့သူက အရင်ကတည်းက လိမ်တတ်ညာတတ် ကျစ်တတ်တဲ့အကျင့် ရှိလို့ဆိုရင် ဘာမှ ဆက်ပြောစရာ မရှိပါဘူး။ အဲ့လိုလူမျိုးကို စကားထဲထည့်ပြောစရာမလိုဘူး မဟုတ်လား။ ဒါပေမယ့် သင့်ကိုသင် ပြန်စစ်ကြည့်ပါ။ အရင်တုန်းက လိမ်တာကိုမကြိုက်ခဲ့တဲ့သူ .. အခု အွန်လိုင်းပေါ်တက်တော့ သူများကလိမ်လို့ ကိုယ်လည်းလိုက်လိမ်နေမယ်ဆိုရင် သင့်အတွက် အကျိုးလား အယုတ်လား။ သင့်ဆိုတဲ့ သင့်ကို နန်ကီမပြောလိုပါဘူး။ နန်ကီ ကိုယ်တိုင်တောင် ဖြစ်ခဲ့သေးတာပဲ။ နန်ကီ အရင်က ဆို လိမ်တာ ညာတာကိုအရမ်းမုန်းတဲ့သူ။ နောက်ပိုင်း အွန်လိုင်းပေါ် ချက်တင်ပေါ်ရောက်လာတော့ အမှန်တွေပြောပြရမှာ ၀န်လေး လာတယ်။ သူတို့တောင် အမှန်ကိုမပြောတာ ငါက ဘာလို့ပြောရမှာလဲ ဆိုတဲ့ အတွေးမျိုးဝင်ခဲ့သေး ပါတယ်။ လူဆိုတာ မကောင်း တာဆိုတတ်မြန်ပြီး တစ်ခါလုပ်ပြီးရင် နောက်တစ်ခါလုပ်ဖို့ဝန်မလေးကြတဲ့အမျိုး မလား။ အဲ့ဒီတော့ ၀န်ခံပါတယ်။ နန်ကီလည်း အတိုင်းအတာတစ်ခုအထိလိမ်မိခဲ့ပါတယ်။ ဒါပေမယ့် သူများ ကို နစ်နာထိခိုက်စေလောက်အထိတော့မလုပ်ခဲ့ပါဘူး။ နောက်ပိုင်း စိတ်ပူလာမိတာတစ်ခုက လိမ်တတ်တာ အွန်လိုင်းပေါ်မှာတင်မဟုတ်ဘဲ ပါးစပ်ကထွက်တတ်လာမှာကိုပါ။ ကိုယ့်ကိုကိုယ် ပြန်ဆန်း စစ်ရတာပေါ့။ အဲ့ဒါနဲ့ ချက်တာတွေကို တော်တော်လေးရပ်လိုက်တယ်။ ပြောဖြစ်ရင် အတတ်နိုင်ဆုံး သူလိမ်ရင် လိမ်ပစေ၊ ငါမလိမ် ဘူးဆိုပြီး စိတ်ဆုံးဖြတ်ပြီး အမှန်အတိုင်းပြောတတ်တဲ့ အကျင့်လေးကိုပြန်မွေးယူရတယ်။ လိမ်ခဲ့တာ တွေက အသေးအမွှား လေးဆိုရင် ခုကတည်း စပြင်လိုက်တာ ပိုကောင်းပါလိမ့်မယ်။ အကြီးကြီးလိမ်မိတယ် ဆိုရင် စိတ်မပူနဲ့။ ၀န်သာခံလိုက်။ လိမ်ထား တာထက် ၀န်ခံတာကို ပိုပြီးခွင့်လွှတ်နိုင်ကြလိမ့်မယ်ထင်ပါတယ်။

တစ်ခါတစ်လေလေ.. အမှန်အတိုင်းပြောရတာကို မုန်းမိပါတယ်။ ဟုတ်တယ်မလား။ အမှန်အတိုင်းပြောတဲ့ စကားကဘယ်တော့ မှမချိုဘူးလေ။ ချိုနေပြီဆိုရင် လိမ်တာတွေပါနေလို့ဖြစ်မှာပါ။ နန်ကီကျတော့ ကိုယ့်ရေး ကိုယ်တာကိုပါ သူငယ်ချင်းတွေကို လိမ် လေ့မရှိ။ အားလုံးကလည်း နန်ကီဆိုတာ ဘယ်လိုမျိုးလဲဆိုတာ သိကြတာ များတာပေါ့။ ဒါကို အခွင့်အကောင်းယူပြီး နစ်နာ နာကျင်အောင်လုပ်တဲ့ ဒေါင်းယောင်ဆောင်ကျီး တွေနဲ့တွေ့တော့ စိတ်ပျက်မိတာအမှန်ပါပဲ။ ဒါလေးကတော့ အမှန်အတိုင်း ပြောလွန်းတဲ့ ဆိုးကျိုးထင်ပါရဲ့။ "အင်းလေ... ဒါဆို ညာတာပိုကောင်းတာပေါ့" လို့မေးလာရင်တော့ ...ကိုယ့်ခံယူချက် လေးနဲ့ကိုယ်ပေါ့။ နန်ကီကတော့ ကိုယ့်ကဒါမျိုးဆို ဒါမျိုးပဲ။ အဲ့ဒါကို အခွင့်ကောင်းယူတတ်တဲ့သူဆိုရင် တခြားဟာတွေကို အယူမ သည်းပေမယ့် ၀ဋ်ဆိုတာကိုတော့ ယုံကြည်ပါတယ်။ အရာအားလုံးက မစစ်မှန်ရင် နောက်ဆုံးတော့ ဘေးလွှင့်သွားမှာပဲလို့ အမေက ခဏခဏပြောဖူးတယ်။ ၀ဋ်ဆိုတဲ့အရာကလည်း နောက်တစ်ဘ၀ နောက်တစ်နှစ်မကူးပါဘူး။ သိပ်မကြာခင်မှာပဲ ဖြစ် တတ်တဲ့အရာမျိုးပါ။ အဲ့ဒီတော့ သည်းခံစိတ်ပြည့်စုံတာ တော့ မဟုတ်ဘူး။ လျစ်လျှူရှုနိုင်ရင် အကောင်းဆုံးပဲဖြစ်မယ်ထင်ပါတယ်။ အဓိက အမေဆီက ရယူခဲ့တာက လျစ်လျှူရှုသင့်တာကို လျစ်လျှူရှုတတ်တဲ့အကျင့်လေးတစ်ခုပါ။ ဆောတီး.. ခံယူချက်တွေ ဆီရောက်ကုန်ပြီ။ ဆိုက်ဘာ.. ဟုတ်တယ်။ ဆိုက်ဘာပေါ်မှာ အကုန်လုံးက အမှန်အတိုင်းလေးများများပြောပြီး ရိုးသားကြမယ် ဆိုရင် သူငယ်ချင်းတွေတောင်အများကြီးရနိုင်ပါတယ်။ နန်ကီ USA ကိုရောက်တော့မှ ရလာတဲ့ online သူငယ်ချင်း တွေတောင် ရှိတယ်။ အရမ်းခင်ကြပြီး တစ်ယောက်နဲ့တစ်ယောက် အရမ်းခင်ကြတယ်။

နောက်တစ်ခုက gtalk မှာတင်လေ့ရှိတဲ့ status တွေအကြောင်းပေ့ါနော်။ ဒါလေးကိုတော့ black/white ကထည့်ပြောပါ အကြံပေးလာလို့။ ဟုတ်ပါတယ်။ status တင်တယ်ဆိုတာ ကိုယ့်ခံယူချက်နဲ့ကိုယ် ... ကိုယ်ခံစားရတာကိုတင်တာပေါ့။ ဒါကို ဝေဖန်မယ် ပုတ်ခတ်မယ်ဆိုရင် လူတစ်ဖက်သားရဲ့ လွတ်လပ်ခွင့်ကို နှောက်ယှက်ရာကျသွားမှာပေါ့။ နန်ကီ အနေနဲ့ကတော့ အဲ့လိုလာလုပ်တဲ့သူကို shut up လို့ပဲပြောလိုက် ချင်ပါတယ်။ ဒါအပြင် နန်ကီတကယ်ကြုံရတာကတော့ လာလာဆဲတာတွေ၊ ညစ်ညစ်ပတ်ပတ်လာပြောတာ တွေပါ။ USA ကအချိန်နဲ့ မြန်မာပြည်ကအချိန်ကကွာခြားတာ နေ့နဲ့ ညပါပဲ။ gtalk ၀င်ထားတယ် ဆိုတာက အရေးကြီးတယ်ဆိုရင် အဖေတို့ အမေတို့ လှမ်းခေါ်လို့ရအောင် ၂၄ နာရီကိုဝင်ထားတာ။ ဒါပေမယ့် မအား ရင် မအားဘူး။ အိပ်နေရင် အိပ်နေတယ်လို့ အမြဲ status ပေါ်မှာတင်တင်ထားပါတယ်။ English လိုရိုက် လို့ မမြင်ဘူးပြောမှာစိုးလို့ အခုနောက်ပိုင်းမြန်မာလိုကို ရိုက်ဖြစ်တယ်။ ဒါပေမယ့် အိပ်ပြီဆိုရင် လာပြီး နုတ်ဆက်ကြ စကားပြောကြတယ်။ အဲ့တော့ဗျာ ဒီမှာ အိပ်နေတာ ဟိုက ဟိုင်းနေမှန်းတောင်မသိလိုက်။ မနက်မိုးလင်းတော့ မြင်လိုက်ရတာက အသေအကြေကိုဆဲထားတာ။ မနက်မိုး လင်းကြီး နမိတ်မရှိဘူးပေါ့။ နန်ကီအရင်တုန်းကဆို gtalk မှာ လာအပ်တဲ့သူတွေအားလုံးကို လက်ခံတယ်။ ဘာလို့လဲဆိုတော့ သူတို့ လာအပ်ပါပြီဆိုမှ သူတို့ဘက်က သူငယ်ချင်းဖြစ်ချင်လို့လို့ ယူဆတာကြောင့်ပါ။ ဒါပေမယ့် အဲ့လိုတွေပြုမူ လာတာတွေ့ တော့... မြန်မာလူမျိုးအချင်းချင်းကို ဒီလိုတွေဆဲတာတွေရတာ စိတ်မကောင်းစရာပါပဲ။ အင်တာနက်ကို ကောင်းကောင်းမသုံးမချ ဘဲ အကျင့်ပျက်တွေမွေးမြူနေတာကို ပတ်ဝန်းကျင်မှာလှည့်ပတ် ကြည့်ရုံနဲ့ တော်တော်မြင်နေရတယ်ဆိုတော့... ဝေးဝေးမှာဘယ် လောက်တောင်ရှိနေမလဲမသိ။ ဆဲတယ်ပြောတော့ သူငယ်ချင်းတစ်ယောက်ပြောပြတာကို သွားသတိရတယ်။ သူ လူတစ်ယောက် ကို တွေ့ဖူးတယ်တဲ့။ သူများဘယ်လောက်ဆဲဆဲ သူက လုံးဝပြန်မဆဲဘူးတဲ့။ ကောင်းကောင်းမွန်မွန်ပဲပြန်ပြော နေတာတဲ့။ အဲ့လိုလူမျိုးကျတော့ သူဘယ်လောက်အဆင့်အတန်းရှိလဲဆိုတာ တော်တော်သိသာပါတယ်။ အထူးသဖြင့် ယောင်္ကျားပီသတယ် ပေါ့နော်။ နန်ကီသဘောမကျတဲ့ စကားပုံတစ်ခုရှိတယ် "သင်ကောင်းရင် ကျွန်ုပ်မဆိုးပါ" တဲ့။ ဒါဆို သင်မကောင်းလျှင် ကျွန်ုပ်ဆိုး မယ်... အဲ့လိုလား။ အဲ့လိုသာဆိုရင် တစ်ကမ္ဘာလုံး ကလူတွေက လူဆိုးတွေဖြစ်ကုန်တော့မှာပေါ့။

နောက်ဆုံးအားလုံးကို ချုံပြောချင်တာကတော့ အခုလိုနည်းပညာအရမ်းတိုးတက်နေတဲ့အချိန်မှာ အဲ့ဒီ့ နည်းပညာကို တကယ်အ ကျိုးရှိရှိအသုံးချမယ်ဆိုရင် ဒါဟာ တကယ့်အခွင့်အရေးတစ်ခုပါ။ တလွဲဆံပင် ကောင်းမဖြစ်ဖို့တော်တော်လေးအရေးကြီးပါတယ်။ နန်ကီကော မချက်လို့လား၊ မကြူလို့လား လို့မေး ကောင်းမေးမယ်။ ဟုတ်.. လုပ်ပါတယ်။ ဒါပေမယ့် အတိုင်းအတာတစ်ခုအထိ ပါ့နော်။ အားလို့ တစ်ယောက်တည်းနေရတဲ့အချိန်ဆိုရင် သိတဲ့သူရော မသိတဲ့သူရောပါချက်ပါတယ်။ သူငယ်ချင်းလည်း အသစ် ရတာပေ့ါ။ ဒီတော့ သူငယ်ချင်းတို့ရေ... သူများပျက်တိုင်း မပျက်ကြပါနဲ့လို့။ သူများကို နစ်နာစေ နာကျင်စေတဲ့ အပြောတွေ အလုပ်တွေရှောင်ပြီး မေတ္တာပွားနိုင်ကြပါစေလို့။

nunki

(သဘောထားချင်းမတိုက်ဆိုင်ရင်တော့ ... ဘာမှမပြောလိုပါ။)