နိုင်ငံခြားမှာ ကျောင်းလာတတ်ချင်ကြသော မြန်မာကျောင်းသားများကို ပြောပြချင်ပါတယ်။

ဒါလေးကတော့ နန်ကီ မြင်တွေ့ရတာတွေ တွေ့ကြုံရတာတွေကို share လုပ်ပေးတဲ့သဘောလောက်ပါ။ နိုင်ငံခြားကို ကျောင်းလာတတ်ချင်တဲ့ကျောင်းသားတွေအတွက် ခွန်အားတစ်ခု ဒါမှမဟုတ် လမ်းကြောင်းတစ်ခု ပေးနိုင်လိမ့်မယ်ထင်ပါတယ်။

အရင်ဆုံး ကြိုးစားပါ။ ကိုယ်ကြိုးစားနိုင်တဲ့ အတိုင်းအတာကိုကြည့်ပြီး သင့်တော်ရာကိုမှန်းပါ။ ဘာလို့အခုလိုတွေ ပြောနေတာလဲဆို တော့ အကောင်းဆုံးကောလိပ် တက္ကသိုလ်မှ သွားချင်လို့အချိန်တွေ အီလေးဆွဲနေတာတွေအများကြီးကို သူငယ်ချင်းတွေထဲမှာ တင်တွေ့နေရလို့ပါ။မသွားရဘူးလို့မပြောပါဘူး။ အကောင်းဆုံးကျောင်းတွေကို တန်းသွားခဲ့တဲ့ မြန်မာကျောင်းသားတွေ တော်တော် များများရှိပါတယ်။ သူတို့ကသွားနိုင်တယ်ဆိုတာလည်း အဲ့လိုကျောင်းသားမျိုးတွေက အပျော်ဆိုတာကိုသိပ်နားမလည်ဘဲ အချိန် ပြည့် ကျောင်းစာမဟုတ်ရင်တောင် သူတို့လေ့လာမယ့်ဘာသာရပ်နဲ့သက်ဆိုင်တဲ့ ဗဟုသုတကို အမြဲတမ်းရှာဖွေနေကြတဲ့သူတွေပါ။ ကိုယ့်ကိုကိုယ်မေးပါ။ ကိုယ်က အဲ့လိုဖတ်နိုင်သတဲ့လား။ နန်ကီကတော့ မဖတ်နိုင်ဘူး။ ရှင်းရှင်းပဲ။ အဲ့ဒါကြောင့်လည်း သိပ်အ ကောင်းကြီးမဟုတ်တဲ့ကျောင်းကို ရွေးလိုက်တာပေါ့။ အခု ယောင်္ကျားလေးတွေတော်တော်များများမှာဖြစ်နေတာက MIT တို့ NYU တို့လို အရမ်းမြင့်တဲ့ကျောင်းကိုလည်းသွားချင်သေးတယ်၊ ဂိမ်းဆော့တာလည်းမပြတ်ဘူးဆိုရင် အဲ့လိုစကားပြောပြီး admission မ၀င်ဘူးလို့ လာညည်းပြနေရင် ပြန်သရော်မိမှာပဲ။ အဲ့ဒီကျောင်းတွေကို မ၀င်မချင်း အမေရိကားမှာကျောင်းလာမတတ်ဘူးဆိုရင် အဲ့လောက်ကြိုးစားမှုနဲ့ဆိုရင် အချိန်ကုန်ခံမနေနဲ့။ အလုပ်တစ်ခုခုသာလုပ်လိုက်တော့။ ဘာမှမထူးဘူး အချိန်တွေကုန်နေတာ သက်သက်ပဲ။ 

ပြီးတော့ အဲ့လိုကျောင်းမျိုးတွေရဲ့ကျောင်းလခက ခေါင်ခိုက်နေတာပဲ။ မြန်မာရဲ့ ငွေတန်ဖိုးက ဒီလောက်နိမ့်တာ။ ပေးရတဲ့မိဘတွေ မသက်သာဘူး။ အဲ့ဒီတော့ scholarship ရအောင်လုပ်မှာပေါ့လို့ပြောမယ်မလား။ ပြောပြီးပြီလေ... ဒီလောက်နဲ့တော့ မရနိုင်ဘူး။ အဲ့တော့ တော်ရာကိုအရင်မှန်း။ ဒီမှာ စာအရမ်းလိုက်နိုင်တော့မှ ကိုယ်လိုချင်တဲ့ကျောင်းကို တဆင့်ဆင့်ပြောင်းတာက အတွေ့အ ကြုံရတဲ့အပြင် အချိန်လည်းမကုန်တော့ဘူးပေါ့။ အခုဆိုရင် visa ရဖို့လည်း ဘယ်လောက်ခက်တယ်ဆိုတာ လူတိုင်းသိတာပဲ။ အခု နောက်ပိုင်း မရတဲ့သူတွေမေးလိုက်ရင် အသက်ကြောင့်ဖြစ်တာများတယ်။ အခု မြန်မာကျောင်းသားတွေက SAT TOEFL လုပ်ပြီ ဆိုရင် အစိုးရကျောင်းတောင်တတ်တော့တာမဟုတ်။ ဘွဲ့မရဘဲ ဒီဘက်ကိုလုပ်တာနဲ့ပဲ တော်တော်အချိန်ကုန်နေ ကြတာလေ။ နန်ကီ ကိုယ်တိုင်ကလည်း အစိုးရကျောင်းမတတ်ခဲ့ပါဘူး။ အဲ့တော့ visa မှာဘာမေးလဲဆိုတော့ " နင့် အသက်က ၁၉ ၊ ၂၀ ဖြစ် နေပြီ။ နင် SAT TOEFL လုပ်တာ သုံးလေးနှစ်တောင်ကြာရသလား" တဲ့။ သူတို့ဆိုလိုချင်တာက သင်ဟာ တကယ်ကျောင်းသွား တတ်မယ် ဆိုရင် အခုလို ငယ်တဲ့အရွယ်ထဲက ကျောင်းစာနဲ့အမြဲထိတွေ့နေရမယ်။ နို့မိုဆိုရင် သင်ဟာတကယ်ကျောင်းသွားတတ် မယ်ဆိုတာ သူတို့မယုံဘူး။ သူငယ်ချင်းတစ်ယောက်လည်း နန်ကီထက် visa ၀င်တာစောပေမယ့် အခုထိ visa မရသေးဘူး။ သူလည်း အဲ့လို အကြောင်းပြချက်နဲ့ အငြင်းခံလိုက်ရတာ။ နန်ကီ ဒီကိုထွက်လာတုန်းက ၂၀ ရှိပါပြီ။ ဒါဆို နန်ကီ ဘာလို့ visa ရလဲလို့မေးမယ်မလား။ ဟုတ်ပါတယ်။ နန်ကီက အစိုးရကျောင်းမတတ်ပေမယ့် UK ကပေးတဲ့ diploma ကို မြန်မာပြည်က MHR center ကနေရထားလို့ပါ။ နန်ကီ MHR မှာတတ်တဲ့ diploma က UK ကတဆင့်ပေးတာဆိုတော့ သင်ထားသမျှဘာသာတွေ ဒီမှာ credit အကုန်ရတယ်။ ပြန်တက်စရာမလိုတော့ဘူး။ နန်ကီပြောချင်တာ အဲ့လိုမျိုးပေါ့။ SAT TOEFL ကို တကယ်အားထုတ် ပြီးလုပ်ရင် သုံးလေးနှစ်မကြာဘူး။ အဲ့လောက်ကြာတယ်ဆိုတာ အပျော်လေးလုပ်လိုက် စာလေးနည်းနည်းလုပ်လိုက်နဲ့မို့ပါ။ အဲ့လို အေးအေးဆေးဆေးလေးလုပ်ချင်တယ်ဆိုရင် ဘွဲ့လေးတစ်ခုပါရအောင်လုပ်ထား။ ဂိမ်းဆော့ရင်းနဲ့ အချိန်တွေမကုန်စေပါနဲ့။

အဲ... ခုနကပြောသလို အရမ်းမြင့်တဲ့ကျောင်းတွေကိုမှန်းရင်လည်း ချက်ချင်းစာလိုက်နိုင်ဖို့ခက်ပါတယ်။ ကိုယ်က နယ်မြေအသစ် ကိုရောက်လာတာဆိုတော့ အိမ်လွမ်းတာတွေ ရည်းစားလေးကိုလွမ်းတာတွေ.. အများကြီးပေါ့။ ချက်ချင်းအသားကျမှာမဟုတ် တော့ စာကလည်းအရမ်းခက်မယ်ဆိုရင် ကိုယ်ပဲစိတ်ညစ်ရမှာ။ ရည်မှန်းချက်ကတော့ လူတိုင်းမြင့်တာပဲ။ နန်ကီတောင် Harvard က ဘွဲ့ရရမယ်လို့ ဆုံးဖြတ်ထားတာပဲ။ ဒါပေမယ့် အဲ့လောက် အမြင့်ကြီးခုန်တက်ရအောင်... နိုး မဖြစ်နိုင်သေးဘူး။ မဖြစ်နိုင်ဘူး မပြောဘူးနော်။ အခု မဖြစ်နိုင်သေးတာ။ အဲ့တော့ မြန်မာကျောင်းသားတွေစဉ်းစားသင့်တာက အသင့်အတင့်လေးနဲ့ scholarship လည်းရမယ့် ကျောင်းမျိုးကိုအရင်လာ။ ဒါမှ အောက်ခြေခိုင်မှာ။ ပြီးမှ ဆက်ပြီး ကိုယ်လိုချင်တဲ့ ကျောင်းကိုပြောင်း။ ဒါဆို ပိုက်ဆံပို ကုန်တာပေါ့လို့ ပြောချင်တာလား။ ဒါပေမယ့် နိုင်ငံခြားမှာ တစ်ယောက်တည်းလာနေရတော့ ကိုယ့်ကိုကိုယ် ဘယ်လိုစောင့် ရှောက်ရမလဲ၊ လူတွေနဲ့ ဘယ်လိုအဆင်ပြေအောင်ဆက်ဆံရမလဲ၊ ဘ၀ဆိုတာ ဘယ်လောက်ခက်ခဲလဲဆိုတာတွေ သိလာရလိမ့် မယ်။ စိတ်ဓါတ်ရေးရာ ခိုင်မာလာအောင် အတွေ့အကြုံတွေက အများကြီးသင်ပေးတယ်။ လူက ပိုပြီး ရင့်ကျက်လာတယ်။ အဲ့ဒီ တော့ တကယ်လိုချင်ရင် တကယ်လုပ်။ တကယ်မလုပ်နိုင်ရင် တစ်ဆင့်ချင်းနဲ့ တက်ပါ။ ခုန်ကျော်နေလို့ကတော့ သင့်ရဲ့အချိန်တွေ သာ ကုန်သွားပါလိမ့်မယ်။

နောက်ပြီး မြန်မာနိုင်ငံမှာနေရင်းနဲ့ ဘာသာစကားတွေ၊ သင်တန်းတွေ အားသလောက်တတ်ထားပါ။ ဒါတွေက ဘယ်တော့မှ အချီး အနှီးမဖြစ်ပါဘူး။ ဒီရောက်မှ လေ့လာဖို့ဆိုတာ ငွေရေးကြေးရေးအရ ဈေးကြီးသလို သင်နည်းသင်ဟန်ကလည်း လုံးဝကိုက် မှာမဟုတ်ဘူး။ ဥပမာဆိုရင်... နန်ကီ ပြင်သစ်စာနဲ့ spanish သင်ချင်တယ်။ မြန်မာပြည်မှာတုန်းက spanish သင်ဖို့ ရှာတယ်။ သင်တန်းတွေ ရှိတော့ရှိတယ်။ သိပ်အဆင်မပြေဘူး။ ပြင်သစ်စာကျတော့ အင်္ဂလိပ်စာနဲ့ ရောမှာစိုးလို့ ဘာလို့နဲ့ နည်းနည်းလေးပဲ သင်ဖြစ်တယ်။ ဒီရောက်တော့ သူများပြောတာကို နားလည်ချင်တယ်၊ သူများ ပြောသလိုပြောတတ်ချင်တယ်။ တခြားနိုင်ငံကလာ တဲ့သူတွေအတွက်က သူတို့ဘာသာစကားက တော်တော်လေးလူသိများတယ် ဥပမာ တရုတ်၊ ဂျပန်၊ ကိုရီးယား... ကိုယ့်ဘာသာ စကားမပြောနဲ့ ကိုယ့်နိုင်ငံပြောရင်တောင် ဟမ် ဆိုတာ မထွက်ရင်မပြီးဘူး။ မသိကြတာများတယ်။ ကိုယ့်ဘာသာစကားကို ချစ်တာ က ချစ်တာတပိုင်း။ သူများနဲ့ တန်းတူဖြစ်အောင် တခြားဘာသာစကားတွေလည်း တတ်ထားသင့်ပါတယ်။

အဓိကကတော့ အချိန်တွေ မကုန်ပါစေနဲ့။ ဆယ်တန်းအောင်ခါစက နန်ကီ့အဖေ ပြောခဲ့သလိုပေါ့။ "သမီး သွားတက်ကြည့်လိုက်ပါ။ လမ်းကြောင်းတစ်ခုမြင်လာလိမ့်မယ်" နန်ကီ အမေရိကား မလာခင်ကလည်း ထပ်ပြောပါတယ် "သမီး သွားကြည့်လိုက်ပါ။ တစ်ခုခု တော့ ရလာမှာပါ" တဲ့။ အဲ့လိုပဲ လာကြည့်လိုက်ပါ။ အပြောင်းအလဲကိုကြောက်တယ်ဆိုပေမယ့် ကောင်းသောပြောင်းလဲခြင်းဖြစ်ဖို့ များပါတယ်။

nunki (နန်ကီ)

(ဝေဖန်မှုများကို ပက်ပက်စက်စက် လက်ခံသည်)