ကျွန်မဟာ အမြဲလောဘကြီးခဲ့တဲ့ ကောင်မလေးတစ်ယောက်ပေါ့။ ကျွန်မရဲ့ ကံကြမ္မာအတွက်၊ အနာဂါတ်အတွက် လောဘအမြဲ ကြီးခဲ့တယ်။ အဲ့ဒီ့မှာ ဖြစ်လာတာက ဇောပေါ့။ အဲ့ဒီ့ဇောကပဲ ကျွန်မရဲ့ ခန္ဓာကိုယ်ကို ရိုက်ချိုးတဲ့အရာတစ်ခုပေါ့။ ကျွန်မရဲ့ လက္ခဏာ ကို ကြည့်သူတိုင်းက နင် အသက်ရှည်မှာမဟုတ်ဘူးလို့ပြောရင် ကျွန်မ မအံ့သြပါဘူး။ အသက်လမ်းကြောင်းတိုတဲ့အပြင် ရှုပ်ထွေး လှတဲ့ လက္ခဏာကိုပိုင်ဆိုင်ထားတဲ့ ကောင်မလေးပါ။ စိတ်ကြည်လင်အောင်ထားတတ်ပေမယ့် အတွေးတွေနဲ့ အမြဲရှုပ်ထွေး နေလို့ပေါ့။ ကျွန်မရဲ့ အရှုပ်ထွေးဆုံးအတွေးတွေကို ဘယ်ဟာက လွှမ်းခြုံထားလဲမေးရင် လောဘပဲဖြစ်မယ်ထင်ပါတယ်။
လူတွေ ပြောကြပါတယ်။ ၁၅၀၀ အချစ်ဆိုတာ ပူပြင်းပြီး လူကို လောင်ကျွမ်းစေပေမယ့် ၅၂၈ကတော့ အေးမြတယ်တဲ့။ ကျွန်မလို လောဘကြီးတဲ့ ကောင်မလေးတောင် ၅၂၈နဲ့တွေ့ရင် လောဘတွေလျှော့သွားစေတယ်ဆိုတော့ အေးမြတယ်ဆိုတဲ့ စကားကိုဒီ့ ထက်တောင် ပိုတင်စားချင်ပါတယ်။ ကျွန်မချစ်ရတဲ့ ကျွန်မဘ၀ရဲ့ ၅၂၈ ကိုပိုင်ဆိုင်ထားတဲ့ မိဘ၊ မောင်နှမ၊ သူငယ်ချင်း အတွက် လောဘဆိုတာ ကျွန်မမှာမရှိပါ။ ကျွန်မပိုင်ဆိုင်တဲ့အရာထဲက တစ်ခုခုကို သူတို့ကိုပေးရမယ်ဆိုရင် အကောင်းတကာ့ အကောင်း ဆုံးပဲပေးချင်ခဲ့တာ။
ဒါပေမယ့် ဘာကြောင့် ၁၅၀၀ အချစ်က ပူပြင်းစေတာလဲ။ တကယ်ချစ်တတ်လာရင် သ၀န်တိုမှုတွေ လောဘတွေ ပါလာတတ်လို့ များလား။ ကျွန်မလေ ချစ်သူနဲ့ ပတ်သက်ရင် သိပ်လောဘကြီးတတ်ခဲ့ပြီပေါ့။ သူ့ဘ၀တစ်ခုလုံးမှာ ကျွန်မ ထိပ်ဆုံးကဖြစ်ချင်တယ် ဆိုရင် ကျွန်မ သိပ်လောဘကြီးရာရောက်နေမလား။ သူ့အချိန်တွေအားလုံး စိတ်တွေအားလုံးကို လိုချင်တယ်ဆိုရင် လွန်လွန်းမ လား။ အဲ့ဒီ့လောဘတွေနဲ့ ကျွန်မ တခဏပေါင်းများစွာ လောင်ကျွမ်းခံနေရတာကို မြင်လာမိတယ်။ ဒါကြောင့် ၁၅၀၀ အချစ်ဟာ မငြိမ်းချမ်းဘူးလို့ ပြောကြတာလား။
အဲ့ဒီ့ လောဘကို ထိန်းချုပ်နိုင်တဲ့အရာကိုတော့ ကျွန်မရှာဖွေနေဆဲပါ။ ကျွန်မလောဘတက်လာတဲ့အချိန်ဆိုရင်...
၁။ အချစ်ဝတ္ထုဇာတ်လမ်းတွေ မဖတ်ဘူး (များသောအားဖြင့် ဂျူးစာအုပ်များ)
၂။ ကျွန်မတို့ကြားမှာရှိခဲ့တဲ့ အမှတ်တရလေးတွေကို ပြန်လည်တူးဖော်တယ်။
၃။ သူပြောတဲ့ နားလည်မှုဆိုတာကို မြင်နိုင်အောင်ကြိုးစားကြည့်တယ်။
၎။ ကိုယ့်လောင်ကျွမ်းမှုကိုပဲမကြည့်ဘဲ သူ့ရဲ့ စိတ်ဒုက္ခကိုလည်းမြင်ကြည့်တယ်။
၅။ "တစ်ခါတလေမှာ တစ်ဖက်လူက ကိုယ့်ကိုယ် ဂရုမစိုက်၊ အလေးမထားတာ မဟုတ်ပါဘူး။ ကိုယ်ဖက်က လိုချင်တာတွေ များသွားလို့ပါ။" ဆိုတဲ့ စကားလေးကို ရေရွတ်မိတယ်။
nunki (နန်ကီ)
0 comments:
Post a Comment