လှိုင်းခတ်သံ

တစ်လှမ်းချင်းဦးတည်ရာမဲ့လျှောက်နေမိသည်။ လေတဖြူးဖြူးနဲ့ နေသာနေလိုက်တာ...ပန်းတွေလည်း မြင် လေရာပွင့်လို့။ ဒါပေမယ့် ကျွန်မရင်ထဲတော့မသာယာနိုင်ပါဘူး။ မောင့်ကိုရင်နင့်အောင်ချစ်ခဲ့ရင် လူးလှိမ့်ခံ စားရမယ်သိပါရဲ့မိုက်ခဲ့လေသမျှ ဘယ်သူ့ကိုမှအပြစ်မမြင်ရက်ပါ။ ကျွန်မနဲ့မောင်တွေ့ဆုံမှုက ရိုးသထက် ရိုးရှင်းပါတယ်။ သီချင်းကြားတာနဲ့တိုးတိုးလေးညည်းတတ်တဲ့ ကျွန်မနဲ့ Melody အလိုက် ခြေလှုပ်တတ်တဲ့ မောင် ဆုံစည်းခဲ့တာ မဆန်းပါ။

အခန်း (၁)
စာကြည့်တိုက်ကအပ်ကျသံ ကြားရလောက်အောင် တိတ်ဆိတ်လို့နေသည်။ ကျွန်မစာဖတ်နေရင်း ကိုယ့်အ သက်ရှုသံ ကိုယ်ကြားနေရလောက်တဲ့အထိပါပဲ။ စာကုန်းဖတ်ရင်း စာအုပ်ရှေ့ကိုဝင်လာတဲ့ ကာလာစုံ စာရွက်လေးကို တွေ့လိုက်တော့ကြောင်သွားသည်။ လက်သွယ်သွယ်လေးကို မြင်လိုက်တော့ မိန်းကလေး တစ်ယောက်ဖြစ်မည်ဟုတွက်ဆလိုက်သည်။ စိတ်အနှောက်အယှက် ဖြစ်ဖြစ်နဲ့ ရန်တွေ့မည်ဟု စိတ်ထဲမှာ တေးပြီး မော့ကြည့်လိုက်သည်။ ဟိုက်! ထင်တာနဲ့ မြင်တာ တလွဲပါပဲ။ အသားညိုညို Punk စတိုင်လ် နဲ့ ကောင်လေးတစ်ယောက် ကျွန်မရှေ့မှာ ရပ်လို့နေသည်။ ကြည်လင်တဲ့ အပြုံးလေးနဲ့ "ကျွန်တော်တို့ Youth Music အတွက် Volunteers ရှာနေတာပါ။ စိတ်ဝင်စားရင် ပါလို့ရပါတယ်" လို့ တိုးတိုးတိတ်တိတ်လေး ဆိုလေရဲ့။ "ဟုတ်ကဲ့.. ကျေးဇူး" လို့ပြောရင်း သူကမ်းပေးတဲ့စာရွက်လေးကိုယူထားလိုက်ပြီး စာကို ပြန်ဖတ် နေမိသည်။ ဒီလိုနဲ့ မေ့မေ့ပျောက်ပျောက်ပဲနေဖြစ်တော့သည်။


အခန်း (၂)
တစ်နေ့တစ်နေ့ အလုပ်သွားလိုက်၊ ညနေဆိုရင်အတန်းသွား၊ စာကြည့်တိုက်မှာအချိန်ကုန်နဲ့ လူကပိုပိုပြီး အထီးကျန်လာသလိုဖြစ်လာသည်။ အခုလည်းစာကြည့်တိုက်ကအပြန် ခေါက်ဆွဲဆိုင်မှာ တစ်ယောက် တည်း ထိုင်စားနေတာ ခေါက်ဆွဲတောင် အေးနေပြီ။ စားမကောင်းတော့ဘူး ဆိုတော့ ပြန်မှဖြစ်တော့မယ်။ ပိုက်ဆံရှင်းဖို့ ပိုက်ဆံအိတ်ရှာရှင်း အိတ်ထဲမှာ ခေါက်ရိုးကျိုးနေတဲ့ ကာလာစုံ စာရွက်လေးကို အမှတ်မထင် တွေ့လိုက်သည်။ စာရွက်လေးကို မြင်တာနဲ့ အသားညိုညို punk ပုံစံ ကောင်လေးကို ပြေးမြင်မိသည်။ စာရွက်လေးကို ကိုင်ပြီး ရောက်တက်ရာရာ စဉ်းစားနေတာ အိမ်ရောက်လို့ ရောက်မှန်းတောင် မသိလိုက်။ ရိုးအီနေတဲ့ တစ်နေ့တာကို တမျိုးလေး ပြောင်းပြီး ဖြတ်သန်းရင်ကောင်းမယ်လို့ စဉ်းစားမိသည်။ Youth Music ကိုမနက်ကျမှ ဖုန်း ဆက်လိုက်မယ်ဟု ဆုံးဖြတ်ပြီး အိပ်ရာဝင်လိုက်သည်။

အခန်း (၃)
ဖုန်းကတစ်ဖက်၊ စာရွက်ကတစ်ဖက်။ လက်နည်းနည်းတုန်ပြီး ရင်နည်းနည်းခုန်သည်။  ကောင်လေးကြောင့် လား... ဒီလို အဖွဲ့တွေမှာ ပါဝင်ဖို့အတွေ့အကြုံမရှိတာကြောင့်လားမသိ။
"တူ.... တူ..... တူ...."
နှုတ်ခမ်းကို ကိုက်ပြီး စိတ်ဂနာမငြိမ် ဖြစ်နေမိသည်။
"ဟယ်လို"
"ဟုတ်ကဲ့ ကျွန်မ Youth Music ကိုဝင်ချင်လို့ ဘယ်သူနဲ့ ပြောလို့ရမလဲ"
"ဟယ်လို.. ဘာပြောတာလဲ.. "
"အော် ရှင်ကလည်း နောက်ကMusicအသံကို နည်းနည်းလျှော့ပေးပါဦး။ ဆူညံနေတာ ဘယ်လိုလုပ်ကြား မလဲ"
"အော် ဆောရီးဗျာ.... ပြောပါဗျာ"
"အဖွဲ့ဝင်ချင်လို့" ဟု တုံးတိတိပြောလိုက်သည်။
"အော် ရပါတယ်။ မနက်ဖြန် ၃၄ လမ်းအထက်၊ အိမ်နံပါတ် ၆၀။ သုံးလွှာကို လာခဲ့ပါနော်"
"ဟုတ်"
ကြောင်တောင်တော်ငနဲ .... ဟု စိတ်ထဲကရေရွတ်ရင်း ဖုန်းချလိုက်သည်။ ဘယ်သူလဲ၊ ဘာလိုသေးလဲ လို့တောင် မမေးမိဘူး။ ဒုက္ခ။

အခန်း (၄)
ဒီနေ့မှထူးထူးဆန်းဆန်း ရာသီဥတုကအရမ်းပူနေလိုက်တာ။ လိပ်စာကမြို့ထဲမှာမို့လို့တော်သေး။ မဟုတ်ရင် ဒီလို ရာသီဥတုမှာသာ ရွာရိုးကိုးပေါက်လျှောက်ရရင် မလွယ်ဘူးဆိုတော့ Youth Music တည်ရှိရာကို ပထမဆုံး ကျေးဇူးတင်လိုက်မိသည်။ တွေ့ပါပြီ။ အိမ်နံပါတ် ၆၀။ သုံးလွှာကို တစ်ထစ်ချင်း တက်လာရင်း ဟိုနေ့ကတွေ့လိုက်သည့် ကောင်လေးကိုများတွေ့မလားလို့ တွေးနေမိသည်။
"တောက် ... တောက်"
"တောက်..... တောက်...... တောက်..." တော်တော်နဲ့လာမဖွင့်။ သီချင်းသံကြောင့်မကြားဘူးထင်ပါရဲ့။ သီချင်းသံ ခဏရပ်သွားတာနဲ့ ထပ်ခေါက်လိုက်သည်။
"တောက်.. တောက်"
ကြမ်းပြင်ကိုရှပ်တိုက်လျှောက်သံကို ကြားလိုက်သည်နှင့်ငြိမ်နေလိုက်သည်။ ထင်တဲ့အတိုင်းပဲ တံခါးလာဖွင့် တာလည်း punk ကောင်လေးပဲ။
"ဘာကိစ္စလဲဗျာ"
"ဟောဗျာ... ဟိုနေ့ကပဲ Pan Flat လာကမ်းသွားပြီး အခုတော့ မမှတ်မိတော့ဘူးပေါ့။"
"တိန်"
"မတိန်နဲ့.... ကျွန်မ အဖွဲ့ဝင်ချင်လို့လာတာ"
"အော်... ဟုတ်ကဲ့ လာပါ။" ဟု ပြုံးစစလေးနဲ့ အထဲကို ခေါ်သည်။
"အမ ခဏလေးစောင့်နော် .... senior တစ်ယောက်ယောက်ကို ခေါ်ပေးမယ်"
"အင်း"
အခန်းကိုလှည့်ပတ်ကြည့်မိသည်။ အခန်းကကျယ်တော့ကျယ်သည်။ ဘာပရိဘောဂမှသေချာမရှိဘဲ ... ဂစ်တာနဲ့ကွန်ပြူတာတွေသာတွေ့ရသည်။
၅ မိနစ်လောက်ကြာတော့ အသက်နည်းနည်းပိုကြီးပုံရသည် အကိုတစ်ယောက် ထွက်လာသည်။
"ညီမက အဖွဲ့ဝင်ချင်လို့လား။"
"ဟုတ်"
"ညီမ နာမည် ဘယ်လိုခေါ်လဲ"
"သီရိနွယ်ပါ"
"ဟုတ်ကဲ့ တွေ့ရတာ ၀မ်းသာပါတယ်။ ကျွန်တော်က လျှမ်းထက်ပါ။ Nickname ကတော့ DJ-လျှမ်းပေါ့။ ညီမအဖွဲ့ဝင်မယ်ဆိုရင် ဒီformလေးကိုဖြည့်ပြီးထားခဲ့ပါနော်။ အကိုတို့တစ်ရက်နှစ်ရက်အတွင်း ဆက်သွယ် ပါ့မယ်"
"ဟုတ်ကဲ့ ... ကျေးဇူးပါ။"
Form ဖြည့်တော့ nickname ကို ဘယ်လိုပေးရမှန်းမသိ။ ဒီတိုင်းသာ "-" လေးထားခဲ့သည်။ Form ကို ကိုလျှမ်းထက်ဆီထားခဲ့ပြီ စာကြည့်တိုက်ကို တန်းလာခဲ့သည်။ DJ ဆိုတာ ဘာအဓိပ္ပါယ်ပါလိမ့်။ အဖွဲ့ဝင် ရင် ဘာလုပ်ရမှာပါလိမ့်။ ထုံးစံအတိုင်း ပူပူထူထူနဲ့ ဘာမှ မမေးဖြစ်ခဲ့။ ရွေးခံရတော့လည်း သိရမှာပေါ့လေ ဆိုပြီး ဒီနေ့အတွက် မေ့ထားလိုက်တော့သည်။

အခန်း (၅)
"ကလင်.. ကလင်"
စိတ်တိုသွားသည်။ မနေ့က စာဖတ်တာ များသွားလို့ အိပ်ရာဝင် နောက်ကျရတဲ့အထဲ စောစောစီးစီး ဖုန်း လာနေပြန်ပါပြီ။
"အစောကြီး ဖုန်းဆက်လိုက်လို့ စိတ်တိုသွားပြီလား ခင်ဗျာ"
နာရီလှမ်းကြည့်လိုက်တော့ ၈ နာရီခွဲလောက်တော့ ရှိနေပြီပဲ။
"ရပါတယ် ပြောပါ။ ဘယ်သူလဲ"
"တိန်! ဒီတစ်ခါတော့ သူမေ့ပြီ။"
"ရှင်........ အူကြောင်ကြားတော့ လာမလုပ်နဲ့နော်။ စိတ်တိုနေရတဲ့အထဲ"
"ဟုတ်ပါပြီဗျာ... ကျွန်တော် လှိုင်းဘ၀င်ပါ။ Youth Music အဖွဲ့ကလေ။ အစ်မကိုတောင် စာရွက်လာကမ်းသေးတယ်။ မှတ်မိလား?"
"အော်... punk ကောင်လေးပဲ။ အခုက ဘာကိစ္စ?"
"ဟာဗျာ... လေသံလေး နည်းနည်းလျှော့ပါ။ ဒီမှာ သတင်းကောင်း ပြောချင်လွန်းလို့ ဖုန်းလှမ်းဆက်လိုက် တာ"
"ဟုတ်လား"
"ဟုတ်တယ်။ ခင်ဗျားလေး DJ အဖွဲ့ဝင် ဖြစ်သွားပြီ ဆိုတဲ့အကြောင်းကို။ ပြောချင်လွန်းလို့ စောစောစီးစီး ဖုန်းဆက်ပေးတာကို အအော်ခံနေရတယ်။"
"ဟယ်.. တကယ်... ပျော်လိုက်တာ။ ဟိဟိ........ ဒါနဲ့ ဘာလို့ ကိုလျှမ်းထက်က ဖုန်းဆက်မပြောတာလဲ"
"တိန်! ကျွန်တော် ဖုန်းဆက်ပြောတာ မကြိုက်လို့လား"
"မဟုတ်ပါဘူးရှင်.... ရှင်က ဘာလို့ ကျွန်မကို စောစောစီးစီး အသိပေးချင်နေရတာလဲ"
"အစ်မကို စိတ်ဝင်စားလို့"
"အယ်... !"
"ကျွန်တော်က ဒဲ့ပဲ ပြောတတ်တယ်ဗျ။ ဒါနဲ့ ဒီနေ့ ကျွန်တော်တို့ စုဝေးနေကျနေရာကို လာမှာလား။ ၃၄ လမ်းကိုလေ?"
"လာရမှာပေါ့နော်...."
"လာခဲ့ပါ။ ကျွန်တော် အစ်မကို ထပ်တွေ့ချင်လှပြီ... သင်ပေးစရာတွေ ရှိလို့ပါလို့ ဟီးး"
"အင်း နေ့လည်လောက်ကျရင် တွေ့မယ်လေ"
"ဟုတ်"
ရည်းစားစကား ပြောနေတဲ့ ဒီ punk ကောင်လေးကို နည်းနည်း အော်လွှတ်လိုက်ရမယ့်အစား ဘာလို့များ လက်သင့်ခံနေမိမှန်းမသိတော့ပါဘူး။ သူနဲ့တွေ့ရမယ်ဆိုတော့ ရင်တော့ နည်းနည်းခုန်သလိုပဲ။

အခန်း (၆)
၃၄လမ်းထဲ ချိုးဝင်လာပြီးကတည်းက ခုန်လိုက်တဲ့ရင်။ ပထမဆုံးနေ့မို့လို့လား... ဒါမှမဟုတ် punk ကောင်လေး ကြောင့်များလား။ လှေကားတက်တော့လည်း ဒူးမခိုင်ချင်သလို။ ကိုယ့်ကိုကိုယ် ရယ် ချင်စိတ်ပေါက်လာသည်။
"ဟောဗျာ... ဘာတွေသဘောကျနေတာလဲ"
"အမေ့!"
ကိုယ့်အတွေးနဲ့ ကိုယ်မို့လို့ လှေကားထိပ်မှာ ရပ်နေသည့် punk ကောင်လေးကို သတိမထားလိုက်မိ။
"တိန်! လန့်သွားတယ်လား"
"အော်.. မလန့်ပဲနေပါ့မလား"
"ဆောရီး.... ဆောရီ... အစ်မ ကျွန်တော်နဲ့ ဗူးသီးကြော်လိုက်စားပါလား။ ဒီလမ်းထိပ်က ဗူးသီးကြော် အရမ်းကောင်းတာ"
"ပြောတော့ သင်ပေးစရာရှိလို့ဆို"
"အော်...ဖြည်းဖြည်းပေါ့။ မီးပျက်နေတယ်အခု"
"အိုကေလေ... အဲ့ဒါဆိုလည်း သွားစားရတာပေါ့"
ရုတ်တရက်ဆိုသလို punk ကောင်လေးက ကျွန်မလွယ်ထားတဲ့ အိတ်ကို လှမ်းဆွဲသည်။ ကျွန်မ တအံ့တ သြ မော့ကြည့်တော့ သူကိုင်ပေးမယ်ဆိုတဲ့ အထာနဲ့။ လှေကားကျဉ်းကျဉ်းလေးထဲမှာ သူဆွဲ ကိုယ်ဆွဲ လုပ် လို့မကောင်းတာကြောင့် ဘာမှမပြောဘဲ လာရာလမ်းအတိုင်းသာ ဆင်းလာခဲ့သည်။
ဗူးသီးကြော်ဆိုင်ရောက်တော့ အရိပ်ကောင်းတဲ့ နေရာမှာ ကျွန်မတို့နှစ်ယောက် မျက်နှာချင်းဆိုင် ထိုင် လိုက်သည်။ သူက ဗူးသီးကြော် နှစ်ပွဲမှာလိုက်သည်။
"ဒါနဲ့ သူ့နာမည်က ဘာလို့"
"ဟာဗျာ... မနက်ကမှ ပြောလိုက်တာလေ..."
"အင်း ဟုတ်ပါတယ်။ ဒါပေမယ့် နာမည်က ဘ၀င်ဆိုလား.. သ၀န်ဆိုလားပဲ"
"တိန်! လှိုင်းဘ၀င်ပါဗျာ"
"ခစ် ခစ်... စတာပါ။ သီရိနာမည်က သီရိနွယ်ပါ။ DJ အတွက် nickname တော့မပေးရသေးဘူး"
"ကျွန်တော် ပေးပေးမယ်လေ"
"အမယ်.... ဘယ်သူက ပေးခိုင်းလို့လဲ"
"လုပ်ပါ... မနဲ့လိုက်မယ့် နာမည်လေးပေးချင်လို့"
"ပြောကြည့်လေ"
"DJ-စိတ်တို"
"ဘာ!"
"ဟားဟားဟား... စတာပါဗျာ..."
"တော်ပီ စိတ်ဆိုးတယ်... ဗူးသီးကြော်ဝယ်ကျွေးရမယ်"
"မဆိုင်သလိုပဲနော်..."
"ဆိုင်တယ်"
"ထားပါ။ အကောင်းပြောမယ်.... မက လမင်းလေးလို ၀ိုင်းစက်တဲ့ မျက်နှာလေးနဲ့ မျက်လုံးလဲ့လဲ့လေးတွေ က လူကို အေးချမ်းစေတယ်။ အဲ့တော့... လရိပ်လို့ ပေးလိုက်ပါလား။"
"အင်း မဆိုးဘူး.. သီရိလည်းကြိုက်တယ်။"

ပြီးတော့ သူကကျွန်မကိုဆရာကြီးတစ်ယောက်စတိုင်လ်နဲ့ လုပ်ပုံကိုင်ပုံ၊ လုပ်ရမယ့်တာဝန်တွေကို စာတွေ ရှင်းပြနေသည်။ နည်းနည်း သဘောပေါက်သလိုရှိပေမယ့် လက်တွေ့ဆိုရင် ပိုလွယ်မယ်ထင်သည်။

"လှိုင်း"

အသံချိုချိုလေးတစ်သံနားထဲဝင်လာတာနဲ့မော့ကြည့်လိုက်မိသည်။ ဟိုတစ်နေ့ကတွေ့လိုက်သည့် ကိုလျှမ်း ထက်အပါအ၀င် နောက်ထပ်ယောင်္ကျားလေး၃ယောက်နှင့် မိန်းကလေးတစ်ယောက် ဗူးသီးကြော်ဆိုင်ထဲ ၀င်လာသည်။

"အော်... သီရိပဲ။ လှိုင်းတို့ကတော့ လက်သွက်တယ်ကွာ" လို့ကိုလျှမ်းထက်က လှမ်းနောက်သည်။

ဒါပေမယ့် လှိုင်းရဲ့ အမူအရာ မျက်လုံးတွေက ကျွန်မ ထင်ထားခဲ့သလို ဖြစ်မလာခဲ့။

"အာာ မဟုတ်ပါဘူးဗျာ" ဆိုပြီးမျက်စိပျက်မျက်နှာပျက်နှင့် လှိုင်းတစ်ယောက် သူရဲ့မလှမ်းမကမ်းမှာ ထိုင်နေသည့်မိန်းကလေးကိုလှမ်းကြည့်သည်။ တကယ်ဆိုကျွန်မကိုရည်းစားစကားပြောထားတဲ့သူက သူ များလာစရင်တောင် ကျေနပ်နေရမယ်မဟုတ်လား။ ဘာတွေကဘယ်လိုဆိုတာ ကျွန်မနားမလည်တော့။ ဒါပေမယ့် ကျွန်မ ရင်ထဲမှာ ကိန်းဝပ်နေဟန်ရှိသည့် ခံစားချက် တစွန်းတစကို ကျွန်မ ရိပ်မိလိုက်သည်။

"အော်... ဒါနဲ့ သီရိ... ဒါက စိုင်းလွန်း နဲ့ ဟိန်းလတ်။ ဒါကတော့ သီရီမလာခင်တုန်းက တစ်ဦးတည်းသော DJ မိန်းကလေး ရှင်းလဲ့တဲ့။"

"ဟုတ်ကဲ့.. တွေ့ရတာ ၀မ်းသာပါတယ်" လို့ရှင်းလဲ့ကအရင်ဆုံးစပြီး ကျွန်မကိုနှုတ်ဆက်သည်။ ရှင်းလဲ့ဟာ အရမ်းလှတယ်လို့မဆိုသာပေမယ့် သူများထက်ထူးခြားတဲ့ဆွဲဆောင်မှုမျိုးရှိသည်ဟုမြင်မိသည်။ ခင်မင် တတ်သည့်အပြင် ကူလည်းကူညီတတ်သည်ကိုနောက်ပိုင်းမှ ကျွန်မသိလာရသည်။ ရှင်းလဲ့ရဲ့ ဆွဲဆောင်မှု ဟာ သူရဲ့ပွင့်လင်းပြီး ဟန်ဆောင်မှုကင်းတဲ့ပင်ကိုယ်စရိုက်ကြောင့်ဖြစ်သည်ဟု ကျွန်မကြာလာတော့ မြင် လာသည်။ ဒါပေမယ့် သူမရဲ့ အချစ်ရေးတွေကတော့ သိပ်ကံမကောင်းဘူးဟု တစွန်းတစ ကြားသလောက် သိရသည်။ ဒီအဖွဲ့ကိုဝင်ပြီး ၁လအတွင်းမှာ ကျွန်မခံရအခက်ဆုံးက လှိုင်းရဲ့မူမမှန်သည့် ဆက်ဆံမှုသာဖြစ် သည်။ ကျွန်မတို့ နှစ်ယောက်တည်းရှိနေသည့် အချိန်ဆိုရင် ကျွန်မကိုချစ်သူရည်းစားတစ်ယောက်လို ယုယ ကြင်နာသည်။ ကျွန်မကလည်း ဒီကြင်နာမှုအပေါ် သာယာမိသည်။ ဒါပေမယ့် ရှင်းလဲ့ရှေ့မှာ ဆိုရင်တော့ နားလည်ရခက်သည့် အမူအရာမျိုးနဲ့ ရှင်းလဲ့ကိုပိုအရေးပေးသည်။ ကျွန်မဘ၀မှာ အချစ်ဆိုလို့ ဒီတစ်ခါ ပထ မဆုံးတွေ့ဖူးခြင်းသာဖြစ်သည်။ လှိုင်းက ကျွန်မထက်နည်းနည်းပိုငယ်တော့ ရည်းစားတစ်ယောက်လိုရော၊ ချစ်သူတစ်ယောက်လိုပါ ချစ်စိတ်ပိုမိသည်။ အခုလို သူ ရှင်းလဲ့ရှေ့ရောက်တိုင်း ဖြစ်သွားတဲ့ အမူအရာအပေါ် မှာ နာကျင်တဲ့ခံစားမှုကို လှိုင်းမရိပ်မိတာလား။ မသိချင်ယောင်ဆောင်နေခဲ့တာလား။ ဒါပေမယ့် လှိုင်းရဲ့ အဲ့ဒီ့ အကျင့်တစ်ခုကို ကျွန်မ မသိသလိုနေခဲ့မိသည်။

အခန်း (၇)
"မ စကားပြောရအောင်" ဟု လှိုင်းက ကျွန်မကို ဆိုလာသည်။
မျက်နှာကလေးနက်ပြီး တစ်ခုခုကို ပြောရခက်ပေမယ့် ဖွင့်ပြောလိုက်တော့မယ့်ပုံစံမျိုး။ ကျွန်မရင်ထိတ်သွား သည်။
"မ ကျွန်တော် ရှင်းလဲ့ကို သဘောကျတယ်ဗျာ။ သူ့ကို ရည်းစားစကား ပြောလိုက်တော့မယ်"
ကျွန်မမျက်လုံးတွေပျာသွားသည်။ လှိုင်း နောက်ထပ်စကားတွေထပ်ပြောနေသည်။ ဒါပေမယ့် ကျွန်မ မကြားနိုင်တော့။ ရင်တစ်ခုလုံး ပြောင်းဆန်နေသလို မျက်ရည်ကလည်း ၀ဲလာသည်။ ဒါပေမယ့် လှိုင်းကို မမြင်စေချင်တာနဲ့ ခေါင်းသာငုံနေလိုက်သည်။ ကျွန်မ ဒီလိုအခြေအနေတစ်ခုကို မမျှော်လင့်ထားပေမယ့် ရိပ်တော့ရိပ်မိပါသည်။ ကျွန်မအားတင်းလိုက်သည်။ အပြုံးတစ်ချို့နဲ့ ခေါင်းမော့ပြီး "အင်း လှိုင်း သဘော ကျရင် ပြောကြည့်ပေါ့" ဟုပြောလိုက်သည်။
လှိုင်း မျက်လုံးတွေလက်သွားပြီး ရင်ထဲက အလုံးကြီးတစ်လုံး ကျသွားသည့်ပုံမျိုး။
"ဒါဆို ကျွန်တော် သွားနှင့်တော့မယ်နော်။ ရှင်းလဲ့ကို စောင့်လိုက်ဦးမယ်"
"အင်း ကံကောင်းပါစေ"
ကော်ဖီဆိုင်မှာထိုင်နေလိုက်တာ ဘယ်နှစ်နာရီတောင်ကြာသွားပြီလဲမသိ။ ကျွန်မရင်ထဲမှာဟာနေသလို ဦးနှောက်ကလည်း ဘာကိုမှ စဉ်းစားနိုင်စွမ်းမရှိတော့။
"သီရိ" ဟု ခေါ်လာသည့် ရှင်းလဲ့ရဲ့ အသံကို ကြားလိုက်မှ ခေါင်းမော့ကြည့်လိုက်သည်။
"သီရိ .... ရှင်းလဲ့ ထိုင်မယ်နော်"
"ဟုတ်ကဲ့"
"ရှင်းလဲ့ မိန်းမသားချင်း မေးစရာတစ်ခုရှိနေလို့ပါ"
"ဟုတ်"
"လှိုင်းနဲ့ သီရိ တို့ရဲ့ အခြေအနေလေး သိခွင့်ရရင် သိချင်လို့ပါ"
သေချာပါပြီ။ လှိုင်း ရှင်းလဲ့ကို ရည်းစားစကား ပြောပြီးသွားပြီထင်ပါရဲ့။ ကျွန်မ ဘယ်လိုဖြေရမှာလဲ။ ကျွန်မရဲ့ ပိုင်ဆိုင်ချင်တဲ့ စိတ်တစ်ခုနဲ့ ဘယ်သူ့ကိုမှ မငဲ့ကွက်ဘဲ အမှန်အတိုင်းဖြေရမှာလား။ လှိုင်းနဲ့ ရှင်းလဲ့တို့ စိတ်ချမ်းသာဖို့ ကျွန်မ ရင်နာနာနဲ့ အတိတ်ကို အတိတ်မှာထားပြီး တစ်ယောက်တည်း အတိတ်မှာ ပဲ ပျော်မွေ့ရတော့မှာလား။
"......"
"ရှင်....မသီရီ.. ဘာပြောလိုက်တာလဲ"
"အော်... ဘာမှမဟုတ်ပါဘူး ရှင်းလဲ့... အမတို့က ဒီလိုပါပဲ"
"ဟုတ်... မေးကြည့်တာ စိတ်မရှိပါနဲ့နော်။ ညီမကို ခွင့်ပြုပါဦး"
"အင်း... နောက်နေ့မှ တွေ့မယ်နော်"
ကျွန်မ ကော်ဖီဆိုင်ကနေ ဦးတည်ရာမဲ့လျှောက်လာမိသည်။ လှိုင်းနဲ့ တွေ့ပြီးကတည်းက မသွားဖြစ်တာ ကြာပြီဖြစ်တဲ့ ကျွန်မအတွက် စိတ်ဖြေရာနေရာလေးကို Taxi ငှားပြီး ထွက်လာခဲ့သည်။ အရင်တုန်းက ဗိုလ်တစ်ထောင်ကမ်းနားက အရှိန်နဲ့ ပြေးပြေးလာပြီး ကမ်းနဘေးကို လာတိုက်တဲ့ ရေလှိုင်းသံနဲ့.. တဟူးဟူးတိုက်နေသည့်လေဟာ ကျွန်မအတွက် အခက်အခဲတွေကို ကျော်ဖြတ်ဖို့ အားတစ်ခုဖြစ်ခဲ့သည်။ အခုတော့ ဒီအသံတွေက အလိုလိုက်ခဲ့သည့် ကျွန်မကို အပြစ်တင်နေသယောင်။ ကမ်းဘောင်ပေါ်မှာ အချိန်ဘယ်လောက်ကြာမှန်းမသိအောင်ထိုင်ပြီး ကျွန်မငိုနေမိသည်။ လှိုင်းရဲ့ အရင်တုန်းက ဟန်တွေ၊ အကြင်နာတွေကို ပိုတမ်းတမိလာသည်။ ကျွန်မသူ့ကို မုန်းလိုက်သင့်သည်။ ဒါပေမယ့် အခုဒီမှာ ကျွန်မတစ်ယောက်တည်း ပြိုလဲပြီး ငိုကြွေးနေသည်။ ဘယ်လောက် စိတ်ပျက်စရာကောင်းလိုက်တဲ့ ကျွန်မလဲ။

အခန်း (၈)
အိမ်ပြန်ရောက်လို့ ပင်ပန်းနေသည့်တိုင်အောင် ကျွန်မ ဘယ်လိုမှ အိပ်မပျော်။ အိပ်ရာထဲမှာ လူးလိမ့် ရင်းသာ မိုးလင်းခဲ့တော့သည်။ မနက်အစောကြီး အင်းယားလမ်းဘက်ကို ထွက်လာခဲ့သည်။ အမှတ်တမဲ့ နားထောင်ဖြစ်ခဲ့တဲ့ Taylor Swift ရဲ့ သီချင်းတစ်ပုဒ်ထဲကလို့ပေါ့.... Chapter တစ်ခုပြီး တစ်ခုပြီးတော့ The End ကို ရောက်လာတာပဲ။ အခုလည်း ကျွန်မနဲ့ လှိုင်းနဲ့အချစ်ဟာ အဆုံးသတ်သွားပါပြီလေ။ ရှင်းလဲ့ရဲ့ ဆုံးဖြတ်ချက်ကိုလည်း ကျွန်မမသိချင်တော့။ ဒါပေမယ့် အမှတ်မရှိတဲ့ ကျွန်မနှလုံးသားက လှိုင်း ကို မျှော်လင့်နေဆဲဖြစ်သလို လှိုင်းအတွက် နေရာတစ်ခုရှိနေတုန်းပဲ။ လှိုင်းက ကျွန်မ တို့ ဖြတ်သန်းခဲ့တဲ့ ပျော်စရာအချိန်တွေကို မေ့ပစ်မယ်ဆိုလည်း အပြစ်မဆိုရက်ပါ။ ကျွန်မကတော့ လှိုင်းရဲ့ ပျော်ရွှင်မှု တစ်ခုကိုသာ ဆုတောင်းပေးရုံသာရှိတော့သည်။ လှိုင်းဆိုတာ တစ်နေရာကို ရိုက် ခတ်ပြီးရင် တဖြည်းဖြည်းလျော့သွားပြီး ပျောက်ကွယ်သွားတတ်သည်။ ဒါပေမယ့် ရိုက်ခတ်ခံရတဲ့ ကမ်းနံဘေးကတော့ ကျောက်စတစ်ချို့ ကြွေလွှင့်ပြီး ပုံပျက်သွားတတ်သည်။ အခုလည်း ဒီလိုပဲ မောင့်ရဲ့ လှိုင်းတစ်ချက်ကြောင့် ကျွန်မရင်တစ်ခုလုံး ကြေမွပြီး ပုံပျက်သွားခဲ့ပါပြီ။ အင်းယားလမ်း အကြော်ဆိုင်ထဲက အိမ့်ချစ်ဆိုထားတဲ့ "ကြွေလွှင့်ရတော့မယ်" ဆိုတဲ့သီချင်းလေးကို ကြားမိတော့ ကျွန်မနှလုံးသားထဲ က သွေးစက်တစ်ချို့က မျက်ရည်နှင့်အတူ အင်းယားကန်ထဲ ပျော်စီးသွားသည်။ 

nunki (နန်ကီ)