Sometimes, what you think is not what it is

ကျွန်မအမေရိကားကိုမရောက်ခင်ကကျွန်မရဲ့အကြီးမားဆုံးအိမ်မက်ကအမေရိကားမှာကျောင်းတတ်ရဖို့ပေါ့။ ထပ်ပြီးရှင်းရှင်း ပြောရရင်အမေရိကားမှာခြေချရဖို့။ ကျွန်မမြင်ခဲ့တဲ့ ရုပ်ရှင်ကားထဲက အမေရိကားက အစစ အရာရာ အဆင်ပြေပြီးခန်းခန်းနားနား ရုံးခန်းထဲမှာ အလုပ်လုပ်ပြီး ငွေတွေကိုပုံးလအောသုံးနိုင်တဲ့ဘ၀ဖြစ် တယ်။ မြန်မာကျပ်ငွေနဲ့ ဒေါ်လာရဲ့ကွာခြားချက်ကလည်း ကြီးသကိုး။ တကယ်လည်း ကျွန်မအပြင် အခုအမေ ရိကားကိုရောက်နေတဲ့ မြန်မာတွေ၊ အမေရိကားကိုလာဖို့ ကြိုးစားနေတဲ့ မြန်မာတွေအားလုံး ဒီလိုပဲ ထင်ခဲ့၊ ထင်နေဆဲပါပဲ။ ဒါဟာမှားနေပါတယ်လို့ကျွန်မမဆိုချင်ပါဘူး။ ဒါပေမယ့် တစ်ခါတစ်လေမှာထင်တာနဲ့တွေ့ကြုံ ရတာနဲ့ ကွာခြားတတ်ပါတယ်။ 

အမေရိကားဆိုတာကတော့ မြန်မာပြည်ထက်သာတာတွေအများကြီးပေါ့။ ၂၄/၇ မီးလာတယ်။ အင်တာနက် ၂၄နာရီသုံးနေလို့ရတယ်။ မြန်လိုက်တာလည်း တဖျတ်ဖျတ်ပဲ။ ကျွန်မ ဒီမှာ၂နှစ်လောက်နေပြီး မြန်မာပြည် အလည်တစ်ခေါက်ပြန်တော့ မီးမလာပူလွန်းတဲ့ရာသီဥတုကို သိပ်စိတ်ညစ်တာ။ ချွေးတွေထွက်ပြီး စီးကပ်စီး ကပ်နေရတာကို လုံးဝအမှန်တကယ်မကြိုက်ဘူး။ ဖုန်နဲ့ချွေးထွက်လွန်းလို့ သိပ်sensitiveဖြစ်တဲ့ ကျွန်မအ သားအရေတွေ Allergy တွေဖြစ်လွန်းလို့ စိတ်ညစ်လိုက်ရတာ။ အင်တာနက်ဆိုလည်း ၁ပတ် ၁ခေါက်သွားဖို့ စိတ်ကိုမပါတာ...(ကွန်နှေးလွန်းလို့)။ ဒါလေးတွေကအသေးအဖွဲ့လေးတွေ။ တကယ်လို့ဒီကို DV (သို့) Immigrant နဲ့ရောက်လာတဲ့သူတွေဆိုရင် ကျောင်းတတ်ဖို့ Finanical aid ရတယ်။ သူများတွေပြောနေတဲ့ medicare စတာတွေ စတာတွေ.. နောက်ဆုံး စားဖို့သောက်ဖို့ တစ်လ ၂၀၀ တောင် အစိုးရကထောက်ပံ့ တယ်ဆိုလားပဲ။ ကျွန်မကတော့ F1ကျောင်းသူဆိုတော့ဒါတွေသိပ်နားမလည်ဘူးပေါ့။ အသက်ကြီးမှ ရောက် လာတဲ့သူတွေအတွက် ဆေးပညာအရရော၊ နည်းပညာအရပါ မြန်မာနိုင်ငံအတွက် အများကြီးသာတဲ့ အပြင် အထောက်အပံ့တွေ Insuranceတွေရှိနေတော့ အသက်ဘေးစိတ်ချရတာပေါ့။ အမေရိကားက အကြွေးသုံး နည်းနဲ့လည်ပတ်နေတာဆိုတော့ အိမ်၊ကားအစအသေးအဖွဲပစ္စည်းတွေကို အကြွေးယူတဲ့စနစ် နဲ့အရစ်ကျ ပေးပြီးဝယ်လို့ရသေးတယ်။ အဲ့တော့လူတိုင်းလူတန်းစေ့နေနိုင်တယ် (အကြွေးပေးဖို့ အလုပ်ရှိနေသေးသရွေ့ ပေါ့)။ ဒါ့အပြင် မြန်မာပြည်မှာအခုလက်ရှိနေပြီး အမေရိကားကိုလာချင်နေကြတဲ့သူတွေ အားအကျဆုံးက အမေရိကားပြန်များမြန်မာပြည်ရောက်ရင် သုံးနိုင်ဖြုန်းနိုင်တဲ့အားဖြစ်တယ်။ ဒါကို အားကျကြတယ်။
Inflation rateကအရမ်းကွာတာကိုး။ ဒီမှာ ဒေါ်လာ၁ကျပ်ဆိုတာ ရထားပေါ်မှာ လက်တောင်း နေတဲ့သူတွေ ကို ပေးသလောက်ပဲရှိတာ။ မြန်မာနိုင်ငံမှာ မနက်စာကောင်းကောင်းစားလို့ရတယ်။ မရှိဆင်းရဲလို့ တောင်း နေတဲ့သူတွေကို ကျပ် ၁၀၀၀ (app: 1 dollar) ပေးလိုက်ရင် သိပ်ဝမ်းသာနေမှာ။ ကျွန်မတို့ဒီမှာ နေ့လည်စာ အသက်သာဆုံးက၅ကျပ်။ မြန်မာငွေနဲ့ဆိုရင် ၅၀၀၀ ကျပ်။ အဲ့ဒီ့ ၅၀၀၀ကျပ်က ဆိုင်ကောင်း ကောင်းမှာ ထမင်းတစ်ပွဲ ရှယ်ရတာ။ ဒီမှာ သာမန် အတန်းစားဆိုင်မှာသွားစားရင် ဒေါ်လာ ၂၀ အနည်းဆုံး ပဲ။ မြန်မာနိုင် ငံမှာ ရွှေကောင်းဟော့ပေါ့တ၀စားလို့ရတယ်။ တကယ်အပျံ့စားဆိုင်တွေမှာ Date သွားရင် ဒေါ်လာ ၁၀၀ ၀န်းကျင် (သို့) အထက်မှာရှိတယ်။ အဲ့တော့ အမေရိကားပြန်တွေက မြန်မာပြည်ရောက်ရင် တန်တယ် ဆိုပြီး သုံးတော့တာပေါ့။ ကျွန်မတောင် အခုထိ မြန်မာပြည်ကနေ ပစ္စည်းတစ်ချို့မှာသုံးနေတုန်း... တန်လွန်းလို့။ အ လုပ်ကလည်း အနိမ့်ဆုံးတစ်နာရီကို ဒေါ်လာ ၇ကျပ်ခွဲရှိပြီး တပတ်ကို နာရီ ၄၀ဆိုရင် တပတ်ကို အောက်ထစ် ၃၀၀ရှိတယ်။ တစ်လဆိုရင် ၁၂၀၀ ရှိတယ်။ မြန်မာပြည်မှာ ဘွဲ့မရဘဲ ဘယ်အလုပ်က ကျပ်၁၀ သိန်းလောက် ရမှာလဲ။ အိမ်ဖိုးကလည်း နေရင်နေနိုင်သလောက်သက်သာတယ်။ ဒီကြားထဲ ပစ္စည်းတွေကို အကြွေးဝယ်လို့ ရတယ်ဆိုတော့ သုံးနိုင်ဖြုန်းနိုင်သပေါ့။

ကဲ... သုံးနိုင်ဖြုန်းနိုင်တာတော့ဟုတ်ပါပြီ။ အဲ့ဒီ့ငွေတွေကို ဘယ်လိုရှာရသလဲဆိုတာ အမေရိကားမှာနေနေတဲ့ သူတွေအသိဆုံးပါ။ မြန်မာပြည်မှာအရောင်းစာရင်းလုပ်ရင် customerမလာသေးရင် တစ်ယောက်နဲ့တစ် ယောက်စကားပြော..ရယ်မောနေလို့ရတယ်။ ဒီမှာဒါမျိုးမရဘူး။ တစ်နေ့၈နာရီစာပေးရင် ၈နာရီနဲ့တန်အောင် မရပ်မနားလုပ်နေရတာ။ လုပ်စရာမရှိရင်တောင်တစ်ခုမဟုတ်တစ်ခုရှာဖွေလုပ်နေရတာ။ Cashier တွေဆိုရင် တောက်လျှောက်မတ်တပ်ရပ်နေရတာ။ ခဏနားပြီးထိုင်ဖို့ခုံတောင်ပေးထားတာမဟုတ်ဘူး။ ကျွန်မ Bubble Tea ဆိုင်မှာလုပ်တုန်းကလည်းအဲ့လိုပဲ။ ထမင်းစားချိန်ကလွဲရင် တစ်နေ့၆နာရီတောက် လျှောက်မတ်တပ်ရပ် နေရတာ။ customer မရှိရင် မီးဖိုချောင်ထဲမှာ တစ်ခုမဟုတ်တစ်ခုလုပ်နေရတာ။ သူငှေးမိန်းမက အိမ်ကနေ ဗီဒီယိုကင်မရာတပ်ထားပြီးကြည့်နေတာ။ ထိုင်နေရင်ထိုင်နေလို့၊ ပစ္စည်းအဆုံးအရှုံးရှိရင်ရှိလို့ ဖုန်းဆက်ပြီး ပြောနေတာ။ ညအိမ်ပြန်ရောက်ရင် ၁၀နာရီဆိုခေါင်းမထောင်နိုင်တော့ဘူး။ အဲ့တုန်းကကျွန်မရတာ တစ်နာရီ ကို ဒေါ်လာ၇ကျပ်၇၅ပြားလားမသိ။ အဲ့တုန်းကတော့ ပထမဆုံးအလုပ်စလုပ်ခါစဆိုတော့ တစ်ပတ်စာပိုက်ဆံ ပေးပြီဆိုပျော်ပြီပေါ့။ အခုဆိုလည်း ကျွန်မကကျောင်းသူဆိုတော့ ပညာအရှိန်နဲ့အနည်းဆုံးတော့ အိမ်သာ ဆေး၊ အမှိုက်ကောက်၊ ကုန်ထမ်းအလုပ်တော့ မလုပ်ရဘူးပေါ့။ အဲ့လိုလုပ်တဲ့သူတွေက အသက်ကြီးမှ အမေရိကားကိုရောက်လာတဲ့သူတွေများတယ်။ကျောင်းဆက်တတ်ဖို့ကလည်းခက်၊ ဘွဲ့မရှိတော့ အလုပ် ကောင်းမရ။ အဲ့တော့မြန်မာပြည်မှာနေတုန်းက တစ်ခါမှမလုပ်ရတဲ့အလုပ်တွေဒီမှာလုပ်ရတယ်။ သူများအ ပြောအဆိုလည်းခံရ၊ စကားပြောမကျွမ်းကျင်တော့ပြန်လည်းမပြောနိုင်။ ကိုယ့်အိမ်ရောက်မှ စိတ်မကောင်း ဖြစ်ရပေမယ့် မနက်ဖြန်ဆိုတာကို အိမ်လခပေးနိုင်ဖို့ မျက်ရည်မကျအောင် အားတင်းထားရတဲ့ဘ၀မျိုးကို ကျွန်မကိုယ်တိုင်မမြင်ရသေးပေမယ့် ကြားနေရပါ တယ်။ 

ကျွန်မ အသက် ၂၀လောက် ဒီကိုရောက်ခါစကတော့ မျှော်လင့်ချက်အပြည့်နဲ့ပေါ့။ သိပ်အောင်မြင်ချင်တယ်။သိပ်ချမ်းသာချင်တယ်။ အဲ့တုန်းကဘ၀ကိုဘယ်လိုပျော်ရွှင်စွာဖြတ်သန်းမလဲဆိုတဲ့မေးခွန်းကို မေ့နေခဲ့တယ်။ အခု အဲ့ဒီ့မေးခွန်းကို ကိုယ့်ကိုကိုယ်ပြန်မေးမိပြီး ကျွန်မဘ၀မှာတစ်ကယ်လိုချင်တဲ့အရာတွေ ပြောင်းလဲလာ ခဲ့ပြီ။ မြန်မာပြည်မှာမိဘအိမ်မှာအဆင်သင့်ခူးပေးတဲ့ထမင်းစားပြီး အချိန်တန်မုန့်ဖိုးရပြီး ပျော်ရွှင်နေရတဲ့သူ တွေက အမေရိကားမှာရောက်နေတဲ့သူတွေကို "တပါးနိုင်ငံမှာကျွန်သွားခံနေတာ" လို့ပြောရင် ကျွန်မသိပ် စိတ်ပျက်မိတယ်။ စကားတစ်ခွန်းဟာ မခံချင်စိတ်နဲ့ ပါးစပ်က ထွက်သွားဖို့ သိပ်လွယ်ကူပါတယ်။ ဒါ့ပေမယ့် တဖက်သူရဲ့ဘ၀ကိုမသိဘဲ ကောက်ချက်ချဖို့ကသိပ်စောလွန်းပါတယ်။ ကျွန်မတို့မှာ မိုးလင်းလာရင် နေမြင့် အောင် နေ့တိုင်းမအိပ်နေနိုင်ပါဘူး။ အလုပ်မှာ ပျော်သည်ဖြစ်စေ၊ မပျော်သည်ဖြစ်စေ ခြေကုပ်နေရတာပါ။ တစ်ခါတစ်လေ ကိုယ်မှန်တယ်ထင်တိုင်း ပြန်မပြောနိုင်တဲ့အခြေအနေတွေပါ။ တရားမျှတမှုကို မမြဲမရလို့ စိတ်နာပေမယ့် စိတ်နာနာနဲ့ပဲဒီနေရာကိုပြန်ပြန်လာနေရတာပါ။ တစ်နေ့တစ်နေ့ အလုပ်လုပ် ပိုက်ဆံရှာရတဲ့ အပြင်အိမ်ပြန်ရင် ထမင်းအဆင်သင့်ခူးပေးထားမယ့်သူ ကျွန်မတို့မှာမရှိပါဘူး။ တစ်နေ့တစ်နေ့ ဘာစားရမ လဲတွေးတော ပူပန်နေရတာပါ။ စိတ်ညစ်လို့ အိမ်မရှင်းဘဲထားရင် မှိုသာတက်လာမယ်၊ ရှုပ်မြဲရှုပ်နေဦးမှာ။ နေမကောင်းတိုင်း အိပ်ရာထဲကျွန်မတို့ကွေးမနေနိုင်ပါဘူး။ နေမကောင်းလွန်းလို့ အိပ်ရာထဲလဲနေရင် အနား မှာလာထူပြီး ဆေးတိုက်ပေးမယ့်သူမရှိပါဘူး။ တစ်လတစ်လ အိမ်လခ၊ အသုံးစရိတ်နဲ့ ကိုယ်ရှာတာနဲ့ အမြဲ တွက်ချက်နေရတာ။ အမေရိကားကိုရောက်နေတဲ့ မြန်မာလူမျိုး ၈၀ ရာခိုင်နှုန်းလောက်က ဒီကဘ၀ကို စိတ်ပျက်နေတဲ့သူတွေပါပဲ။ ပြန်လို့ရတဲ့သူတွေကတော့ ပြန်ကြတာပေါ့။ တစ်ချို့ကျတော့ တစ်အိမ်ထူဖို့ တစ် အိမ်ဖျက်လာရတဲ့သူတွေအတွက် နောက်ကြောင်းပြန်လှည့်ဖို့သိပ်ခက်တယ်။ သူတို့တွေအတွက် ပျော်ရာမှာ မနေ၊ တော်ရာမှာနေဆိုတဲ့စကားနဲ့ နေ့တိုင်းကိုယ့်ကိုကိုယ် အားပေးနေရတာပါ။ ဒီမှာရှိတဲ့သူတိုင်း ကိုယ့်နိုင် ငံကိုယ်ပြန်ချင်ကြတယ်။ ဒါကို "တပါးနိုင်ငံမှာ ကျွန်သွားခံနေတဲ့ဟာတွေ" လို့မပြောခင်မှာ သိထားပါ။ ဒါ့အ ပြင် ကျွန်မတို့မြန်မာလူမျိုးတွေက မွေးကတည်းက မနာလိုဝန်တိုစိတ်နဲ့ မွေးလာတယ်လို့ ကျွန်မမဆိုလိုချင်ပါ ဘူး။ ဒါပေမယ့် ဒီအမေရိကားကိုရောက်လာတဲ့ မြန်မာတစ်ချို့ဟာစိတ်ဓါတ်ပျက်စီးလာတယ်။ (အားလုံးကို တော့မဆိုလိုပါ) အသက်ကြီးသူ၊ ငယ်သူမရွေး ကိုယ်အပေါ်ရောက်ဖို့ နင်းတက်သင့်တယ်ထင်ရင် နင်းကြတယ်။ တစ်ယောက်မရှိရင် နှိမ်မယ်။ တစ်ယောက် ကောင်းစားရင် မနာလိုဖြစ်မယ်။ မဟုတ်တာရော ဟုတ်တာရော မသိဘဲမကျေနပ်ရင် နာမည်ဖျက်မယ်။ အစုံပါပဲ။ ကျွန်မတစ်ခါ တစ်လေ ကိုယ့်ကိုကိုယ်မှန်ထဲ ပြန်ကြည့်ရင် "ငါ့မျက်နှာက အပြစ်ကင်း ဖြူစင်တဲ့အရိပ်အယောင်တွေပျောက်ကုန်ပြီလား။ အရမ်းပူ လောင် နေပြီလား"လို့ အမြဲတမ်း စိုးရိမ်တကြီးကြည့်မိတယ်။ ပတ်ဝန်းကျင်ရဲ့ရိုက်ခတ်မှုဟာ တိုက်ရိုက်ဖြစ်ရင်တောင် ပဲ့ခတ်မှု ဒါဏ်လောက်ပဲခံချင်တယ်။ ပတ်ဝန်းကျင်က ကျွန်မကို အရောင်ဆိုးသွားမှာ သိပ်ကြောက်မိတယ်။ ကိုယ်ကဆိုးခွင့်ပြုမှာဆိုးလို့ရတာဆိုပေမယ့် ခဏခဏအနင်းခံရရင် ပုထုစဉ်လူသားဖြစ်တဲ့ ကျွန်မဘယ် လောက်သဘောထားကြီးနိုင်မှာလဲ။ ပတ်ဝန်းကျင်ကို ကြည့်လိုက်ရင် ဒီတစ်ယောက်က ဟိုတစ်ယောက်ကို မကောင်းခဲ့လို့ ဟိုတစ်ယောက်က နောက်တစ်ယောက်ကို မကောင်းရဲတော့တဲ့အဖြစ်တွေပါ။ 

ကျွန်မကတော့ မြန်မာပြည်ကိုပြန်ပြီးဒီလိုပူလောင်မှုတွေနည်းပါးတဲ့နေရာမှာပဲ ဘ၀ကိုကုန်ဆုံးချင်တယ်။ အမေရိကားက အထပ်၁၀၀လောက်ရှိတဲ့ တိုက်ကြီးတွေမှာအလုပ်မလုပ်ရရင်လည်းနေပါစေတော့။ ပညာကို တတ်နိုင်သလောက်သင်ပြီး မြန်မာပြည်မှာပဲပြန်နေချင်မိတယ်။ ဘ၀မှာလှူနိုင်သလောက်ပိုက်ဆံရှာပြီး အေး အေးဆေးဆေးရှိမယ့် ရှမ်းပြည်ကကုန်းမြင့်လေးမှာ အိမ်တစ်လုံးနဲ့ ကျွန်မချစ်တဲ့သူတွေနဲ့ ပျော်ပျော်ရွှင်ရွှင် နေနိုင်ရင်တော်ပါပြီ။ မြန်မာနိုင်ငံမှာ မီးမှန်မှန်မလာလို့ အင်တာနက် မှန်မှန်မသုံးနိုင်ရင်လည်း ရပါတယ်။ အဲကွန်းမရှိလို့ ချွေးအရမ်းထွက်မယ်ဆိုလည်း ထွက်ပါစေတော့။ လူပူတာ စိတ်ပူလောင်တာထက်အများကြီး သာပါလိမ့်မယ်။ 

nunki (နန်ကီ)